Júlde qol sozym jerde

Bokstan ulttyq quramanyń qorjyny taǵy úsh joldamamen tolyqqan edi. Danabek Sýjanov pen Ádilbek Nııazym­betovten keıin Ǵanı Jaılaýov, Serik Sápıev pen Vasılıı Levıt Olımpıada joldamasyn aldy. Al Ivan Dychko bizdiń jigitterdiń ejelgi qarsylasy qytaı Jan Jıleıdi jeńgenimen, asa aýyr salmaqtaǵy lısenzııany horvat Fılıpp Hrgovıchpen sarapqa saldy. Qazir bizdiń qurama bıylǵy mamyr aıynda 57 kıloda joldama alǵan Qanat Ábýtálipovten basqa taǵy bes lısenzııaǵa ıe bolyp otyr. О́kinishke qaraı, Baký rınginde eń jeńil salmaqtaǵy Birjan Jaqyp, 52 kılodaǵy Ol­jas Sáttibaı men 64 kılo sal­maq­taǵy Danııar Eleýsinov lısenzııa ala almady. Bul jigit­teri­mizdiń Londonǵa barýǵa áli múmkin­dik­teri bar. Olarǵa kelesi jyldyń sáýir aıynda Astanada Prezıdent júldesi úshin ótetin halyq­aralyq týrnırde Olımpıada jol­damasyn jeńip alýǵa taǵy bir múmkindik beriledi. Burnaǵy kúngi túski baǵ­dar­lamada lısenzııa alǵan jigit­terimizdiń bári shırek fı­nal­daǵy kezdesýlerin ótkizdi. Biz­diń qura­mada birinshi bolyp 75 kı­lo­daǵy Sýjanov bra­zı­lııalyq Es­gýıva Falkaomen, 81 kılo sal­maq­taǵy Nııazymbetov qytaı Fanlon Menmen, 91 kıloda Levıt taǵy bir qy­taılyq Ýanýan Ýan­men kezdesti. Osy jekpe-jek­ter­de Nııazym­betov qana qarsy­lasyn jeńip, jartylaı fınalǵa shyqty. Kez­desýdiń úshinshi raýndynda qazaq boksshysynyń soqqylaryna shy­da­maǵan qytaılyq bapkerler jekpe-jekti ýaqytynan buryn toq­tatýǵa májbúr boldy. Osy aıqas­tan soń Ádilbekpen az-kem sóı­lesken edik. «Qytaı maǵan asa qatty qarsylyq kórsete almady. О́zimniń jeńetinimdi ishteı sezip júrdim. Endi kelesi qarsylasyma daıyndalamyn. Oǵan qandaı taktıka ustaný kerektigin bapkerlermen aqyldasamyz», dedi. Nııazym­betovtiń bıylǵy básekege jaqsy daıyndalyp kelgeni kórinip tur. Biraq, bir saýsaǵyn búgip júrgen boksshylar men bapkerlerdiń bar ekenin de umytpaıyq. Keshe so­nyń úsheýi Ádilbekpen birge jartylaı fınalǵa shyqty. Bizdiń boksshy búgin solardyń ishindegi ózbek Elshod Rasýlovpen kezdesedi. Al reseılik Egor Mehonsev fınalǵa shyǵý úshin kýbalyq Hýlıo La Krýzben aıqasady. Reseılik álem chempıony ýkraınalyq Aleksandr Gvozdıkti jeńdi. Al Sýjanov pen Levıt qar­sy­lastarynan jeńilip qaldy. Osy jerde alǵashqysy brazı­lııa­lyq­tan taza jeńilse, Levıtti jeńildi dep aıta almasaq kerek. Sýjanov­tyń qarsylasy odan bar­lyq ja­ǵy­nan basym bol­dy. О́zi rıngte shapshań qımyl­daı­tyn, soqqy­lary qatty boks­shy eken. О́ske­men óreniniń bıyl­ǵy álem chem­pıonatyna al­ǵash ret qatys­qanyn aıtqanbyz. Osy syn­da ol múm­kin­diginshe ózin barlyq jaq­sy ja­ǵynan kór­sete bildi. Endi Olım­pıadaǵa shyń­dalyp, tyń kúshimen barsa jaqsy. Ja­rys kezinde biz ózge el­diń bap­ker­leriniń Sýjanov tý­ra­ly jaqsy pikir bildirgenderin talaı ret estidik. «Bul boks­shy­nyń bolashaǵy bar. Bir jyldyń ishinde shyń­da­lyp, Olımpıadada laıyqty óner kórsetedi», degen edi. Danabek qana emes, Dychko men Sápıev týraly da olar jaq­sy pikirde eken. Máselen, Dych­ko­ny ýkraın bapkerleri bola­­shaq Olımpıada chempıony dep otyr. Al Sápıevtiń bıyl úshin­shi márte álem chempıony atanaty­ny­na senimdimiz. Bir óki­nish­tisi, Sý­janovtyń salma­ǵyn­daǵy bizdiń talantty byl­ǵary qol­ǵap sheberimiz Qanat Islam­nyń Olım­pıa­daǵa joldama al­maıtyny ja­ny­myzǵa batady. Talantty boks­shy­myzdyń qazir Halyqaralyq olım­pııalyq komı­tet­tiń sheshimine qarap jatqan jaıy bar. Qytaı eli boksshy­myz­dyń elimiz atynan Olımpıadaǵa qatysý úshin áli ýa­qyt ótý kerek dep otyr. Biraq, osy ýaqyt ótse, Qanattyń salmaq qýsa da London Olımpıadasyna bara almaıtyny sózsiz. Bıylǵy álem chempıonaty al­ǵash­qy lısenzııalyq jarys bol­ǵan soń, barlyq elderdiń Olım­pıa­daǵa joldamany ýystap áket­kisi keletini túsinikti. Qazir ja­rysty óz alańynda ótkizip jat­qan Ázer­baı­jan sııaqty elderge joldama kerek bolsa, eń myqty degen Reseı, Kýba elderi aldy­men júlde alýmen bas aýyrtýda. Biraq, joldama men júlde bári birdeı buıyrmaıtyny belgili. Osy chempıonatta Reseı men Kýba elderiniń birneshe jaqsy boks­shylary jarysty erte aıaq­tady. Al seısenbi kúni 60 kıloda aıqasqan ýkraınalyq Olımpıada, álem jáne Eýropa chempıony, Vel Barker Kýbogynyń ıegeri Vasıl Lomachenko da jarystan shyǵa jazdady. Sol kúni ol bra­zılııalyq Robson Konseısaomen kezdesken bolatyn. Sonda Loma­chen­konyń taza jeńiske jetkenine qaramastan, tóreshiler jeńisti la­tynamerı­ka­lyq boksshy­nyń paı­­­dasyna sheshken edi. Osyǵan baı­la­nysty Ýkraına quramasy Ha­lyq­aralyq áýes­qoı boks qaýym­­das­ty­ǵyna shaǵym­da­nyp, Lo­ma­chen­kony rıngke qaı­taryp aldy. Ýkraın boksshysy brazı­lııa­lyqpen kezdesýde taza je­ńis­­ke jetti. So­ny eskermeı, tóre­shi­ler­­diń je­ńis­ti birden brazı­lııa­ly­qqa berip jibergeni barlyq jankúıerdiń janyna batty. Keshe keshkisin sharshy alań­ǵa qaıta oral­ǵan Lomachenko tóreshilerdiń sol ádi­let­sizdigine jaýap qaıtar­dy. О́zbek Fazılddın Gaıbnazarovpen kezdesýde qarsy­la­synyń eki aıaǵyn bir etikke tyqty. Dastan KENJALIN –  Bakýden. Bet qattalyp jatqanda: Ǵanı Jaılaýov, Serik Sápıev pen Ivan Dychko jartylaı fınalǵa shyqty. Aldyńǵylary sekildi sońǵysy da Olım­pıadaǵa joldama aldy. Sýretti túsirgen Vıtalıı GARKÝShA.