Jergilikti «Dvıjenıe» horeografııalyq ansambli Týapse qalasynda ótken halyqaralyq festıvaldan 8 altyn medalmen jáne bas júldemen oraldy.
4-15 jas aralyǵyndaǵy 100-ge jýyq ul men qyz jattyǵatyn ansambl talaı baıraqty básekelerde olja salyp júr. Desek te, bul jolǵy konkýrstyń bási óte joǵary boldy. Reseı, Qazaqstan, Tatarstan, Bashkurtstan, Iаkýtııadan qatysqan ondaǵan bı ujymdary arasynda petropavldyqtardyń ónerin qazylar alqasy barlyq jaǵynan joǵary baǵalady. Nátıjesinde, 8 atalym boıynsha laýreat atanyp, Gran-Prıdi qanjyǵaǵa baılady.
«Býdýshee planety» halyqaralyq konkýrsyna alǵash qatysqanymyzǵa qaramastan bıshilerimiz joǵary sheberlik úlgisin kórsete bildi.
Kelesi jyly Sankt-Peterbýrg» qalasynda ótetin taǵy bir halyqaralyq baıqaýǵa shaqyrtý alyp otyrmyz», deıdi «Dvıjenıe» ansambliniń kórkemdik jetekshisi Irına Saharchýk.
О́mir ESQALI, «Egemen Qazaqstan»