Boxing Kingdom portaly Gennadıı Golovkın (37-0, 33 KO) men Saýl Alvares (49-1-1, 34 KO) arasyndaǵy jekpe-jektiń jeńimpazyn anyqtaý maqsatynda saýalnama júrgizdi.
Portaldyń málimetine sáıkes, GGG-diń jeńisine senetin jankúıerler qatary azaıyp keledi. Alǵashqy saýalnamada jankúıerlerdiń 80 paıyzy Gennadıı Golovkınge, al qalǵan 20 paıyzy Saýl Alvareske daýys berse, osy jyldyń basynda bul kórsetkish 60/40 bolyp ózgerdi. Sońǵy saýalnama boıynsha Golovkınniń jeńisine senetinder 57 paıyzǵa deıin tómendedi. "Kaneloǵa" 43 paıyz daýys berildi.
Aıta keteıik, Golovkın-Alvares jekpe-jegi 16 qyrkúıekte AQSh-tyń Las-Vegas qalasyndaǵy T-Mobile arenasynda ótedi. Qazirdiń ózinde barlyq bıletter satylyp ketken.