GFR Federaldyq prezıdenti Frank-Valter Shtaınmaıerdiń ushaǵy Astana áýejaıyna qondy, dep habarlaıdy «QazAqparat».
Qurmetti qonaqty elorda áýejaıynda QR Investısııalar jáne damý mınıstri Jeńis Qasymbek pen QR Syrtqy ister mınıstriniń orynbasary Roman Vasılenko kútip aldy.
Aıta keteıik, GFR prezıdenti óziniń resmı sapary aıasynda Saýda-ekonomıkalyq yntymaqtastyq boıynsha Qazaqstan-Germanııa jumys tobynyń 11-shi plenarlyq otyrysyna qatysady. Saýda-ekonomıkalyq yntymaqtastyq boıynsha Qazaqstan-Germanııa jumys tobynyń formaty 2007 jyldan beri jumys isteýde. Top aıasynda saýda-ekonomıkalyq yntymaqtastyq, ınvestısııa, energetıka, bilim berý, densaýlyq saqtaý jáne taǵy basqa salalarda ózara yqpaldastyq júzege asyrylady. Sondaı-aq, Qazaqstan Prezıdenti Nursultan Nazarbaevpen kezdesý josparlanǵan.