Aldaǵy tamyz aıynda Atyraýdaǵy Sabyr Qazybaev atyndaǵy balalar úıi jabylady.
Jetim jáne ata-ana qamqorlyǵynsyz qalǵan balalarǵa arnalǵan mekemedegi 25 tárbıelenýshiniń toǵyzy bıyl mektep bitirdi. Alty balany Almaty oblysy Alakól aýdanyndaǵy Lepsi aýdanynyń turǵyny asyryp alypty. Eki bala jańa oqý jylynan bastap Almatydaǵy fızıka-matematıka mektep-ınternaty men sport ınternatynda bilim alady. Qalǵan segiz oqýshy otbasy úlgisindegi «Shańyraq» balalar aýylyna aýystyrylady.
-Qazir Atyraýda balalar úıiniń tárbıelenýshileri azaıdy, - deıdi oblystyq bilim berý basqarmasynyń basshysy Nursáýle Saılaýova. – Oblysta jetim jáne ata-ana qamqorlyǵynsyz qalǵan 605 bala bar, onyń 478-qamqorshylyqta. Oblys basshylyǵynyń qoldaýymen jetim balalardy turǵyn úımen qamtý sharalary júrip jatyr. Sońǵy úsh jyldyń ózinde 412 jetim balaǵa memlekettik turǵyn úı qorynan baspana berildi.
Baqytgúl BABASh,
«Egemen Qazaqstan»
ATYRAÝ