Reıtıngtiń bas jaǵynda qurylysshy mamandyǵy tur. Tek bıylǵy jyldyń ózinde túrli qalalyq kásiporyndardan 3 myńǵa jýyq suranys túsken. Jáne bul mamandyqqa degen suranys aldaǵy jyldary turaqty bolady. Astanada ártúrli jumystardy atqaratyn adamdarǵa qajettilik eki esege az. Degenmen, bul kásip tapshy mamandyqtar reıtınginiń ekinshi ornynda tur. Jyl basynan 1,7 myń bos oryn boldy. Úshinshi orynda — medısına qyzmetkerleri. 2017 jyl bastalǵaly Jumyspen qamtý ortalyǵyna jumys berýshilerden 705 suranys túsken. Bul rette, mamandardyń boljaýynsha, aq halattylarǵa degen suranys aldaǵy jyldary turaqty túrde artyp otyratyn bolady. Elordada sondaı-aq as úı jumysshylaryna, menedjerlerge, eden jýýshylarǵa, montajdaýshylarǵa, júrgizýshiler men aǵash sheberlerine suranys turaqty. Odan bólek, ákimshiler, kondıterler, aspazshylar, kúzetshiler men tiginshilerge bos oryndar jeterlik. 2017 jyldyń birinshi toqsanynda Astana qalasynda jumyssyzdyq deńgeıi 4,6 paıyzǵa jetken.
Astana qalasynyń Jumyspen qamtý ortalyǵy búgingi kúni tapshy, aldaǵy jyldary suranysqa ıe bolatyn mamandardyń tizimin jarııalady, — dep habarlaıdy ákimdiktiń medıa ortalyǵy.