– Astanda buǵan deıin 2008 jyly V «Eýrazııa» kınofestıvali ótken bolatyn. EKSPO-2017 kórmesine oraılastyryp ótip jatqan festıval taqyryby «Mádenıetter kópiri» dep atalady. Bıyl usynylǵan fılm sany rekordyq kórsetkishte. Naqty aıtatyn bolsaq, kınojobalardyń birlesken baǵdarlamasy aıasynda 296 fılm usynylyp otyr, – deıdi XIII «Eýrazııa» HKF-niń bas dırektory Rashıd Nuǵyman.
Aıta ketsek, IH Halyqaralyq «Eýrazııa» kınofestıvali halyqaralyq qazylar alqasynyń quramymen ózgeshelenbek. Qazylar alqasyna Kann kınofestıvaliniń laýreaty Sýleıman Sısse jetekshilik etpek. Sonymen birge sheteldik qonaqtar qatarynda gollıvýdtyń tanymal juldyzdary – «Oskar», «Altyn globýs» laýreaty Nıkolas Keıdj, Djon Malkovıch, Edrıen Broýdı, Marko Mıýller bolady.
Bas dırektordyń sózinshe, bıyl fılm satýshylary men satyp alýshylardyń qatsyýmen Eursia Film Market bıznes-alańynda túrli kınojobalar pıtchıngteri, sheberlik saǵattary, arnaıy is-sharalar ótkiziledi.
Aıa О́MIRTAI,
"Egemen Qazaqstan"