Plenarlyq sessııa barysynda Qazaqstan delegasııasynyń basshysy EQYU Is basyndaǵy Avstrııa tóraǵalyǵyna qoldaý bildire otyra, Qazaqstan Prezıdenti Nursultan Nazarbaevtyń bastamasymen shaqyrylǵan 2010 jylǵy EQYU Sammıtiniń Astana deklarasııasynda bekitilgendeı, tutas jáne bólinbeıtin Eýroatlantıkalyq jáne Eýrazııalyq qaýipsizdik qaýymdastyǵyn ilgeriletýge baǵyttalǵan ınklıýzıvti únqatysýdyń mańyzdylyǵyn atap ótti. Q.Ábdirahmanov qaýipsizdik salasynda aǵymdaǵy jáne bolashaqtaǵy qaýip-qaterlerge baılanysty, sonyń ishinde aýmaqtyq janjaldardy retteý, áskerı belsendiliktiń ósýi, áskerdiń bir jerge jınalýy jáne onyń kesirinen EQYU aýmaǵynda týyndaıtyn áskerı qaqtyǵystardyń qaýpine qatysty qurylymdyq únqatysýǵa jaǵdaı jasalǵanyna toqtaldy. Qazaqstan Syrtqy ister mınıstri lańkestikke aparatyn zorlyq-zombylyq ekstremızmniń aldyn alýǵa arnalǵan «dóńgelek ústelde» Jahandyq lańkestikke qarsy kúres koalısııasy (jeli), BUU jahandyq lańkestikpen kúres strategııasy, Lańkestik pen zorlyq-zombylyq ekstremızmge qarsy jahandyq is-áreket kodeksi men Lańkestik uıymdardyń tutas tizimin qurý týraly Elbasynyń bastamalaryn usyndy. Sonymen birge, Qazaqstannyń lańkestikke qarsy kúres boıynsha sharalary, úshinshi jáne qoǵamdyq sanany jańǵyrtý baǵdarlamalary men «Kıber qalqan» bastamasy jóninde maǵlumat berdi. Qazaqstan syrtqy saıasat vedomstvosy basshysynyń Venaǵa sapary aıasynda ótken kezdesýleri men EQYU debattaryna qatysýy Qazaqstan Prezıdentiniń beıbitshilik, qaýipsizdik pen turaqty damýǵa baǵyttalǵan bastamalarynyń ózektiligi men qajettiligin kórsetip berdi.
Taıaýda Qazaqstan Respýblıkasynyń Syrtqy ister mınıstri Qaırat Ábdirahmanov Eýropadaǵy qaýipsizdik jáne yntymaqtastyq uıymynyń Mınıstrler jınalysyna qatysty jáne EQYU-ǵa qatysýshy memleketter delegasııalarymen uıymnyń kún tártibindegi ózekti máselelerdi talqylady, dep habarlady Qazaqstan Respýblıkasy Syrtqy ister mınıstrliginiń baspasóz qyzmeti.