Kórnekti jazýshy, Qazaqstan Respýblıkasy Memlekettik syılyǵynyń laýreaty Sábıt Dosanov «Sergeı Esenın» medalimen marapattaldy. Qazaq qalamgeriniń orystyń uly aqyny «Sergeı Esenın» medalimen marapattalǵany týraly kýálikke aqynnyń memlekettik mýzeı-qoryǵynyń dırektory B.I.Ioganson men Máskeýdegi rıazandyq jerlester qaýymdastyǵynyń tóraǵasy, Reseı Injenerlik akademııasynyń prezıdenti, Eńbek Eri B.N.Gýsev qol qoıǵan.
Sábıt Dosanov eki jyl buryn Reseı jazýshylar odaǵynyń sheshimimen Sergeı Esenın atyndaǵy syılyqtyń laýreaty ataǵyn alǵan edi, endi mine, orystyń ǵajaıyp lırık-aqyny qurmetine arnalǵan medalmen marapattalyp otyr.