Erjannyń ustazy, Ǵ.Qurmanǵalıev atyndaǵy Batys Qazaqstan oblystyq fılarmonııasynyń solısi Darııa Baqytovanyń málim etkenindeı, aıtýly óner dodasyna álemniń 21 elinen úzdikter qatysyp, baq synady. Solardyń ishinde Qazaqstan namysyn qorǵaǵan Erjan Maksımniń júldeli orynǵa iligýi úlken jetistik. Bul - onyń tabıǵı talanty men eńbeginiń, ata-anasy Erbol men Gúlmıranyń úzdiksiz qoldaýynyń nátıjesi.
Bul - Erjan Maksımniń halyqaralyq baıqaýdaǵy kezekti jeńisi. Ol jeti jasynda Máskeýde ótken «Begýshaıa po volnam» festıvaliniń, sodan keıin ótken jyly jazda Almatyda halyqaralyq «Boztorǵaı» balalar shyǵarmashylyǵy baıqaýynyń, qyrkúıekte Grýzııanyń Batýmı qalasynda «Delfın Fest» baıqaýynyń bas júldesin ıelengen bolatyn. Al 2016 jylǵy jeltoqsanda toǵyz jasar Erjan Maksım Rıgada ótken jas oryndaýshylardyń besinshi «Riga Symphony 2016» halyqaralyq festıvalinde úsh dúrkin júldeger atandy. Onda oraldyq jas daryn avtorlyq án men álemdik hıtten birinshi, halyqtyq ánnen ekinshi oryndy ıelenip, úsh birdeı medalǵa qol jetkizgen edi. Al bıylǵy mamyrda Italııanyń San-Remo qalasynda ótken jas oryndaýshylardyń halyqaralyq festıvalinde birinshi orynǵa ıe boldy.