Halyqty turaqty ári sapaly elektr energııasymen qamtıtyn sý elektr stansııasynyń ashylý saltanatyna oblys ákimi Janseıit Túımebaev pen «Aqsý-Energo» JShS-niń dırektory Anarbek Orman qatysty.
«Aqsý Energo» JShS-niń bul jobasy «Bıznestiń jol kartasy 2020» baǵdarlamasy aıasynda qoldaý tapqan. Bul stansııa jylyna 2,5 MVt elektr qýatyn óndirýge qaýqarly. Joba quny 283 mln.teńge bolatyn kásiporynda 6 adam jumyspen qamtylǵan.
Oblysta kún, jel, sý energııasynyń áleýeti joǵary ekenin aıtqan ákim, dástúrli energııa kózderimen qatar, jańa energetıkany da damytý qajettigin atap ótti.
«О́zderińizge belgili, bıyl Astana qalasynda «Bolashaq energııasy» taqyrybynda EKSPO-2017 halyqaralyq mamandandyrylǵan kórmesi ótip jatyr. Álemdik deńgeıde ótkizilip jatqan EKSPO-2017 halyqaralyq kórmesi tehnıkalyq jetistiktermen, jańǵyrmaly energııa kózderiniń moldyǵymen, ǵylymǵa umtylýdyń mańyzdylyǵymen búkil álemniń nazaryn aýdarýda. Memleket basshysy N.Á.Nazarbaev 2050 jylǵa deıin jańǵyramaly energııa úlesin 50 paıyzǵa deıin kóbeıtýdi qamtamasyz etýdi tapsyrdy. Búgingi iske qosylǵan elektr stansııasy taza elektr energııa óndirýmen qatar, energo resýrstardy únemdeýge baǵyttalǵan»,-dedi ákim óz sózinde.
Jalpy «jasyl ekonomıkaǵa» kóshý jónindegi tujyrymdamaǵa sáıkes, Saıram aýdanynda 2 joba iske qosylyp otyr.
«Aqsý Energo» JShS-i 2014 jyly «Kún nurynan elektr qýatyn óndiretin qýattylyǵy 1MVt bolatyn «Aqbaı» elektr stansııasyn iske qosqan bolatyn. Quny 300 mln.teńge bolatyn elektr stansııasy 2016 jyly 987,166 MVt energııa kózin óndirgen.
Eki joba tolyq qýattylyqta jumys istegende aýdannyń energııa kózine degen suranysynyń altydan birin qamtıtyn bolady.