«Turǵyndardyń óz kúshimen salynǵan turǵyn úı kólemi de 74% óskendigin atap ótken jón. Osyǵan qarap halyqtyń jalpy ómir súrý deńgeıin paıymdaýǵa bolady. Bıyl «Qyzylorda-Jezqazǵan» tas jolynyń boıynan taǵy 150 gektar aýmaqqa egjeı-tegjeıli josparlanǵan joba daıyndaldy. Bul 1200 otbasyǵa jeke turǵyn úı salýǵa múmkindik beredi», dep atap ótti ákim.
Turǵyndarǵa nesıelik turǵyn úıdi barynsha qoljetimdi etý úshin «Qazaqstannyń turǵyn úı qurylys jınaq banki» AQ nesıelerin berýde alǵashqy tólemdi 30%-dan 15%-ǵa deıin tómendetý jóninde másele qarastyrylýda.
«Halyqtyń áleýmettik jaǵynan az qamtylǵan bóliginiń múddelerin qorǵaý maqsatynda jańa turǵyn úıge ornalastyrý ýaqytyn sozyp otyrmyz. Oblys ákimdigi bul máselede Úkimet tarapynan qoldaý bolady dep úmittenedi, óıtkeni, bul jaǵdaı ózge óńirlerge de tán. Degenmen, atalǵan jaǵdaı «Turǵyn úı qurylys jınaq banki»AQ baqylaýynda qala beredi», dep atap ótti oblys ákimi.
Aıta ketý kerek, memleket qarajatynyń esebinen osy jyldyń basynan beri 980 páterlik 19 turǵyn úı paıdalanýǵa berildi. Jyl sońyna deıin 1809 páterlik 41 kóppáterli úı, onyń 11-i halyqtyń álsiz qorǵalǵan toptary úshin (ıaǵnı, jalgerlik turǵyn úı) paıdalanýǵa beriledi dep josparlanǵan.