Qalalyq polısııa bóliminiń bas polıseıi, podpolkovnık Meıram Bazarbaev bul jańalyq óndiriske QR Bas prokýratýrasy men Ishki ister mınıstrliginiń bastamasymen engizilgendigin aıtty. «Azamattardyń múddesi úshin qylmystyq prosesti ońtaılandyrý» birikken pılottyq jobasyn jergilikti atqarý organdary da quptady. Bul kabınet polısııa jumysynyń naqtylyǵyn, tergeý kezinde azaptaýǵa, shyndyqty aıtqyzýdyń basqa da zańsyz tásilderine jol bermeýdi qamtasyz etedi.
«Qalalyq basqarmanyń birinshi qabatynda eki ashyq kabınet ashyldy, 21 tergeýshi kabınetine baqylaý kameralaryn ornattyq. Kamera túsirip turǵan jumys úderisiniń barlyǵy onlaın rejimimen polısııa ǵımaratyndaǵy hollda ornalasqan keń formatty teledıdardan kórinip turady. Kúdiktiniń jaqyndary, kelýshiler, prokýratýra qyzmetkeri monıtor arqyly barlyq tergeý jumysyn kóre alady», dedi Meıram Bazarbaev.
Táýlik boıy vıdeojazba yqtımal sybaılastyqtyń aldyn alady. Ashyq kabınetterdiń engizilýinen keıin polıseıler men prokýrorlar qylmystyq isterdiń tergelý merzimi qysqarady jáne aryz-shaǵym azaıady dep kútip otyr.
Názıra JÁRIMBETOVA, «Egemen Qazaqstan»
QOSTANAI