Bıylǵy fınalda chempıon ataný úshin eki komanda saqadaı-saı. Ásirese, kýbalyq boksshylardyń qarqyny qatty. О́ıtkeni, fınaldyq básekege «qabylandar» ár jyldaǵy úsh Olımpıada chempıonyn alyp kelgen. Olar: 2008 jylǵy Beıjiń Olımpıadasynyń 64 kılodaǵy chempıony – Ronel Iglesıas Sotolongo (ol qazir 69 kıloda judyryqtasady) jáne 2016 jylǵy Rıo Olımpıadasynyń chempıondary Arlen Lopes (75 kg) pen Hýlıo Sesar la Krýs (81 kg). Sondaı-aq, Iohanýs Argılagos (49 kg), Lazaro Alvares (60 kg) jáne Erıslandı Savon (91 kg) byltyrǵy Olımpıadanyń qol júldegerleri. Al «arlandar» sapynda Olımpıada chempıony bolmasa da, Olımpııa oıyndarynda 52 kıloda judyryqtasqan Ilııas Súleımenov (I2012) pen Oljas Sáttibaev (2016) bar.
Sonymen, WSB jobasynyń fınalyna shyqqan Qazaq-Kýba boksshylarynyń áleýetin, jarys jeńimpazy atanýǵa qanshalyqty múmkindikteri baryn saralap, saraptap shyǵýdy jón kórdik.
49 kılo – Temirtas Júsipov - Iohanýs Argılagos
Bul jupta Temirtas Júsipov qarsylasynan jas jaǵynan da tájirıbe jaǵynan da basym. Temirtas bıylǵy maýsymda bes kezdesý ótkizgen. Eki jekpe-jekte jeńiske jetse, úsheýinde utylyp qalǵan. Al Argılagos úsh kezdesý ótkizip, bir ret jeńip, eki ret jeńilgen. Aıtpaqshy, eki boksshy 2015 jylǵy fınalda jolyǵyp, Júsipovtyń jeńisimen aıaqtalǵan bolatyn. Statıstıkaǵa súıensek, Temirtas erteńgi kezdesýde de jeńiske jetýi tıis.
52 kg – Oljas Sáttibaev - Iosbanı Veıtıa
Oljas Sáttibaev pen Iosbanı Veıtıatyń nátıjeleri men múmkindikteri birdeı. Eki boksshy da byltyrǵy Rıo Olımpıadasynyń qatysýshylary. Degenmen, ekeýi de júldege ilige almaǵan bolatyn. Sondaı-aq, osy maýsymda Sáttibaev pen Veıtıa tórt kezdesýden ótkizip, barlyǵynda jeńiske jetken. Sonymen qatar, olar 2015 jylǵy fınalda jolyǵyp, Oljas Sáttibaev jeńiske jetken. Oljastyń ózi eki jyl burynǵy jeńisin qaıtalaıtynyna senimdi.
56 kılo – Ilııas Súleımenov - Haver Ibanes
Ilııastyń bul jolǵy qarsylasy qazaq boks jankúıerlerine esimi asa tanymal emes jas boksshy. Nebári 20 jastaǵy Haver Ibanes byltyr Kýba quramasy sapyna alynǵan. Ol bıyl WSB jobasynda 5 jekpe-jek ótkizip, úsh ret jeńip, eki ret jeńilgen. Al halyqaralyq dárejedegi boks sheberi Ilııas Súleımenov bes kezdesýdiń tórteýinde jeńiske jetken.Atalǵan jekpe-jekte Súleımenovtyń jeńisine kýá bolýymyz múmkin. Degenmen, qarsylasqa da qurmetpen qaraǵan durys.
60 kılo – Zákir Safıýllın - Lazaro Alvares
Bul kezdesý Zákir úshin revansh jekpe-jek bolmaq. О́ıtkeni, ol 2015 jylǵy fınalda Alvaresten utylyp qalǵan edi. Negizi, eki boksshy teń dárejede judyryqtasqan, biraq tóreshiler jeńisti kýbalyq boksshyǵa bergen bolatyn. Ekeýiniń de jeńiske jetýge múmkindikteri de tájirıbeleri de jetkilikti. Zákir - Lazaro jekpe-jeginde kim jeńetinin dóp basyp aıtý qıyn. Sondyqtan, jeńimpazdyń esimin tóreshiler men sharshy alańǵa qaldyraıyq.
64 kılo – Dilmurat Mıjıtov - Endı Krýz
Byltyr 56 kıloda osy joba arqyly Rıo Olımpıadasyna joldama alyp, tórt jyldyqtyń basty básekesine qatysa almaı qalǵan Endı Krýz bıyldan bastap 64 kıloda synǵa túsip júr. Nátıjesi de jaman emes. Bes kezdesýdiń barlyǵynda jeńiske jetken. Al jobanyń debıýtanty Dilmurat Mıjıtov jas bolsa da boksshylarǵa laıyqty qarsylas atanyp júr. Bul kezdesýdiń de nátıjesin sharshy alańǵa qaldyraıyq.
69 kılo – Aslanbek Shymbergenov - Ronel Iglesıas Sotolongo
Aslanbek Shymbergenov kýbalyq boksshymen 2015 jylǵy fınalda kezdesip, jeńiske jetken. Sondaı-aq, 2014 jylǵy «Chempıondar kezdesýinde» Sotolongo taǵy bir «arlan» Madııar Áshkeevten jeńilgen. Jalpy, Ronelge qazaq boksshylarymen judyryqtasý yńǵaısyz. Eki boksshy da bıyl jeńilip kórmegen. Aslanbektiń sońǵy jekpe-jekteri kóńil qýantarlyq. Eger, erteńgi kezdesýde Shymbergenovtyń baby men baǵy kelisse eki jyl burynǵy jeńisti qaıtalaýy múmkin.
75 kılo – Amanqul Ábilhan - Arlen Lopes
Amanqul Ábilhan Ulttyq quramadan «arlandarǵa» kómektesýge kelgen jalǵyz boksshy. Qolynyń jaraqatyna qaramastan ol Lopeske qarsy jekpe-jek ótkizýge daıyn. Jas pen tájirıbe boıynsha Kýba boksshysynyń bási joǵary. Degenmen, jas boksshymyz kýbanyń «ardager» boksshysyna qaýqary jetetinine senimdimiz. Tek jaraqaty syr bermese bolǵany.
81 kılo – Arman Rysbek - Hýlıo Sezar La Krýs
Boks mamandary men jankúıerleriniń pikirinshe, bul kezdesýdiń favorıti retinde kýbalyq boksshy sanalýda. Onyń sebebi de joq emes. О́ıtkeni, La Krýs ózi barǵan jarystyń bárinde qarsylastaryn jeńip qana qoımaı, altyn medalin alyp qaıtady. WSB jobasynda da sondaı. Jeńilis ne ekenin bilmeı keledi. Biraq, bul kezdesýde Nurlan Aqúrpekov shákirtiniń jeńiske jetetinine senimdi. Kýbalyq boksshyǵa qarsy jospar quryp qoıǵanyn, eger Arman jospardy oryndasa, jeńiske jetetinin aıtady.
91 kılo – Anton Pınchý - Erıslandı Savon
Áýelde «arlandar» sapynan bul kıloda fınaldyq kezdesýge Vasılıı Levıt shyǵýy kerek bolǵan. Alaıda, ol baıqaýsyzda qolyn jaraqattap alyp, rıngke shyǵa almaıtyn boldy. Al Antonnyń Savonǵa qanshalyqty qaýqar kórsete alatynyn erteń sharshy alańda kóretin bolamyz. Degenmen, Erıslandı Savondy Olımpıadanyń úsh dúrkin chempıony, ataqty boksshy Felıks Savonnyń jıeni demeseńiz, naǵashysy sekildi asa bir myqty boksshy emes. Bul boksshylardyń jeńiske jetýge degen múmkindikterin 50 de 50 dep qaldyraıyq.
+91 kılo – Oljas Boqaev - Ioandı Toırak
Oljastyń kýbalyq boksshy Ioandı Toırakqa qaraǵanda halyqaralyq arenadaǵy men osy jobadaǵy tájirıbesi azdaý. Oljas bıyl eki kezdesý ótkizip, bir ret jeńse, bir ret utylǵan. Ioandı da bıylǵy jobada kóp rıngke shyǵa qoımaǵan, biraq tájirıbe óz sózin aıtýy kerek. Dese de, Oljas Boqaevqa aldaǵy kezdesýde sáttilik pen jeńis tileımiz.
Sondaı-aq, eger negizgi 10 jekpe-jekten soń kezdesý 5-5 esebimen aıaqtalyp jatsa, 52 kıloda qosymsha kezdesý ótkizip, jeńimpaz klýbtyń esimi anyqtalatyn bolady. Qosymsha kezdesýde «arlandar sapynan Oljas Baınııazov shyqsa, «Kýba qabylandary» sapynan Frank Zaldıvar synǵa túsedi.
Álı BITО́RE,
«Egemen Qazaqstan»