Búgin Úkimet úıinde Qazaqstan Respýblıkasynyń Premer-Mınıstri Baqytjan Saǵyntaev «Sıfrlyq Qazaqstan» baǵdarlamasynyń jobasy aıasynda memlekettik organdardyń qyzmetin sıfrlandyrý máseleleri jóninde keńes ótkizdi. Bul týraly primeminister.kz habarlady.
Keńes barysynda ıntellektýaldy kólik júıesin qurý, geologııalyq barlaýdyń ınteraktıvti ulttyq derekter bazasyn engizý, turǵyn úı alýǵa kezekte turǵandardyń elektrondy derekter bazasyn qurý, vırtýaldy mýzeıler jelisin júrgizý jáne kitaphana qoryn sıfrlandyrý, sonymen qatar zańnama júıesin sıfrlandyrý, sonyń ishinde sot saraptamasyn avtomattandyrý máseleleri talqylandy.
Memlekettik organdardyń sıfrlyq formatqa aýysý tásilderi týraly QR ınvestısııalar jáne damý mınıstri J. Qasymbek, QR mádenıet jáne sport mınıstri A. Muhamedıuly, QR qorǵanys jáne aeroǵarysh ónerkásibi mınıstri B. Atamqulov jáne QR ádilet mınıstri M. Beketaev baıandady.
Premer-Mınıstr Baqytjan Saǵyntaev keńes qorytyndysy boıynsha birqatar naqty tapsyrmalar berdi.