EKSPO-2017 kórmesi kezinde Astana qalasynda Qyzylorda oblysynyń jármeńkesi ótip jatyr. Bul jármeńke bıyl osymen ekinshi ret ótkizilip otyr. Alǵashqysy 3-4 maýsym kúnderi ótken bolatyn.
Elorda turǵyndary men qonaqtaryna arnap Syr óńirinen 30-dan astam ónim túrleri jetkizildi. Onyń ishinde kúrish, jylqy eti, taýyq eti, sút ónimderi, ara baly, balyq, jemis-jıdekter, kókónister bar.
«Qyzylorda oblysy EKSPO-2017 kórmesi aıasynda elordada tórt ret jármeńke ótkizýdi josparlap otyr. Búgin-erteń, ıaǵnı 15-16 shilde kúnderi ekinshi márte uıymdastyryp otyrmyz. Osydan keıin 5-6 tamyz jáne 15-16 qyrkúıekte ótedi», dedi Qyzylorda oblystyq aýyl sharýashylyq basqarmasynyń basshysy Baqyt Jaqanov.
Jármeńkege Qyzylordadan 26 taýaróndirýshi qatysyp otyr. 75 mln teńge kólemindegi 170 tonnaǵa jýyq aýylsharýashylyq ónimderi satylady dep kútilýde.
Sýretti túsirgen: Baǵdat Esjanov