Amerıka anshlagy

«Prezıdenttiń bastamasy fılmde kórinis tapty». 6 qazan kúni «Izvestııa» gazetiniń birinshi betinde osyndaı taqyryppen shaǵyn maqala jarııalandy. Onda ótken seısenbi kúni Nıý-Iorkte Memleket bas­shy­sy Nursultan Nazarbaevtyń  Álemdik jáne dástúrli din­der kóshbas­shy­lary­nyń sezin ótkizý jónindegi bas­tamasyna oraı túsirilgen «Dala arqyly ún­qatysý» derekti fılminiń premerasy kórsetilgeni kóldeneń tartylady. Belgili Gollıvýd akteri jáne rejısseri Armando Assante men Qazaq­stannyń týma­sy Erkin Jalǵasovtyń birlesip túsirgen fılminde Qazaq­stan tarıhynyń derekteri men túrli halyqaralyq qaıratkerlerdiń pikirleri usynylǵan. Qazaqstanǵa birneshe márte kelip úlgergen A.Assanteniń aı­týynsha, el­diń tarıhy, onyń táýelsizdiginiń qa­lyp­tasý úde­risteri men bul istegi Pre­zıdent Nursultan Nazarbaevtyń róli rejısserge úlken áser etkendikten, osyndaı fılm túsirý týraly  ıdeıa oıanǵan. «Izvestııa» gazetiniń jazý­yn­sha, «Neıshnl bogemıan holl» kınotea­tryn­da uıymdasty­ryl­­ǵan derekti fılmniń tu­saý­ke­se­rinde bos oryn bol­maǵan. AQSh Memlekettik departamentinen, dıplomatııa­lyq korpýstan, amerıkalyq jáne halyq­ara­lyq qoǵamdyq uıymdardan, kınoındýstrııadan jáne buqa­ra­lyq aqparat quraldarynan kórermender kútken­de­giden ana­ǵurlym kóp jınalǵan. Pre­merany kórip bolǵannan keıin olar «Dala arqyly únqatysý» fı­lmi Qazaqstannyń tarıhy men qol jetkizgen jetistikterine ja­ńa­sha qa­raý­ǵa múmkindik bergenin atap aıtqan. Premeranyń Qazaqstan Res­pýb­lı­kasynyń Nıý-Iork­te­gi Bas konsýl­dyǵynyń kó­me­gimen uıymdastyryl­ǵanyn da aıta ket­ken jón. Derekti fılm­­niń tusaýkeserine kelgen meımandar sondaı-aq el táýel­sizdiginiń 20 jyldyǵy, onyń tabystary, tole­rant­tylyq dás­túrleriniń bastaýy tý­raly habardar etildi. Buǵan Qazaq­stan­ǵa arnalǵan fotokórme de septigin tıgizdi. «Egemen-aqparat».