Jaqsydan sharapat

Keshe «Egemen Qazaqstan» res­pýb­lıkalyq gazeti aksıonerlik qo­ǵamynyń prezıdenti Saýyt­bek Abdrahmanov­ «Dıalog Eýrazııa» plat­for­masynyń Qazaqstan­daǵy úı­les­tirýshisi, «DA» jýrna­ly­nyń bas redaktory Salıh Akchaı myrza­men kezdesti. Qazaqstanda 19 jyl boıy qyz­met etken Túrik Respýblıka­synyń bul azamaty baýyrlas halyqtary­myzdyń  jaqyndasýyna óz deńg­e­ıin­de eleýli úles qosyp júrgen jan. Onyń eńbegi Elbasy tarapynan da joǵary baǵa­la­nyp, 2010 jyly jýrnalıs­terdiń ká­sibı merekesine oraı beriletin mara­pat­tardyń qatarynda oǵan Prezı­dent­tiń Alǵysy jarııalanǵan bola­tyn. Osyndaı bilikti, baısaldy, jo­ǵa­ry mádenıetke ıe azamat endi Bakýdegi halyqaralyq Kavkaz  ýnıversıtetine basshylyq qyzmetke aýysyp otyr. «Egemen Qazaqstannyń» basshysy Saýytbek Abdrahmanov Salıh Akchaı úılestirýshilik qyzmet atqarǵan ke­zeń­degi «Dıalog Eýrazııa» platfor­ma­synyń qazaq­stan­dyqtardy túrik baýyr­­lar­men jaqyndastyrý, Túr­kııa­ny tanyta túsý, eki el ara­syndaǵy óz­ara túsinis­tik pen syılas­tyqty da­my­tý maq­sa­tyn­da jasaǵan sharalary­na, Qazaq­stan týraly jaz­ǵan mate­rıal­daryna rızashylyq bildirip, biz­diń elimizge baılanysty talaı minberlerden aıtqan oń pikirlerine joǵary baǵa berdi. «Sonyń ishinde siz, – dep atap kórsetti aksıonerlik qoǵamnyń prezıdenti, – birneshe «ege­menqazaq­stan­dyq­­tardy» da Anadoly jerine is­sa­par­­ǵa aparyp, Túrkııanyń hal-ahýa­­lyn kórsetip, túrli saladaǵy maman­da­rymen, óner adamdarymen, oıshyl­dary­men jaqyn tanys­tyr­dy­ńyz. Qa­zaqstannyń dinaralyq kelisim sala­syn­da qalyptasqan tájirıbesin nasıhattaý úshin siz bizdiń elimizdegi dás­túr­li dinder ókilderin de Túrik Res­pýb­lıkasyna aparyp, jer­les­teri­ńiz­ge olardyń ózara kelisim men tózim­dilikti basshylyqqa alyp, tatý ómir súrip jatqanyn kórsettińiz. Bul úlken ju­mys», deı kelip, Salıh Akchaıdyń ja­saǵan ıgi isterine óz tarapynan al­ǵys bildirdi jáne bolashaqtaǵy eń­be­gi­ne jemis tilep, «Egemenniń» aty­nan syıkáde jasady. Jaýap sózinde Salıh Akchaı Qa­zaq­stan halqyna sheksiz rıza eken­di­gin, óziniń bul jerden kóp nárse úı­re­nip, rýhanı jaǵynan baıyp bara jat­qanyn jet­kizdi. Qazaqta «yrys qaıda bara­syń degende, yn­ty­maqqa baramyn degen» sóz bar. Inshalla, osy ynty­maq­­tary­ńyz­dan aıyryl­ma­sa­­ńyz­dar, bo­­lashaqta bú­gingiden de jaqsy ómir sú­retin bo­la­syzdar», dedi tolqyp turyp. Jaqsybaı SAMRAT.