Qazaqstan halyqaralyq «Bolashaq» stıpendıattarynyń Batys Qazaqstan oblysyndaǵy fılıaly oblystyń eń shalǵaı aýdanynyń oqýshylaryna syılyq jasady. Bókeı ordasy aýdanynyń Saıqyn jáne Han ordasy aýyldaryndaǵy balalar kitaphanasyna túrli janrdaǵy 60 kitapty tartý etti. «Bolashaq» stıpendıattarynyń batysqazaqstandyq kóshbasshysy Ilııas Omarovtyń aıtýynsha, bul – el táýelsizdiginiń jıyrma jyldyǵyna oraı uıymdastyrylǵan «Balalarǵa kitap syıla» aksııasynyń sheńberindegi alǵashqy shara. Atalmysh fılıal aǵymdaǵy jyldyń 28 naýryzynda qurylǵan bolatyn.
Jáńgir han atyndaǵy BQATÝ-diń tarıhı-ólketaný murajaıynda ótken kezdesýde Bókeı ordasy aýdany ákiminiń orynbasary Larısa Qaıyrǵalıeva qazaq, orys jáne aǵylshyn tilderindegi kórkem ádebıettiń, ǵylymı-fantastıkalyq shyǵarmalar men oqý-ádistemelik quraldardyń jańa oqý jylynda aýyl balalarynyń aınymas serigine aınalaryna senim bildirdi.
Dınara ESENTAEVA.
Batys Qazaqstan oblysy.