Bolashaq jol saqshylaryn daıarlaýǵa yqpal etetin bul shara oblys ortalyǵynyń irgesindegi, tamasha tabıǵat aıasynda oryn tepken «Daryn» óńirlik ǵylymı-praktıkalyq ortalyǵynda ótedi. Reseı, Qyrǵyzstan men Tájikstan memleketteri jáne elimizdiń túkpir-túkpirinen jınalǵan 180 oqýshy «Jol júrisi qaǵıdasyn bilý», «Jas retteýshi», «Velosıpedti mánerlep júrgizý», «Erýdıtter baıqaýy», «Jas sanıtarlar», «Velosıpedti avtoqalashyqta júrgizý», «Úgitbrıgadalar baıqaýy», «Saptyq jarys» atalymdary aıasynda baqtaryn synap, baptaryn baıqaıtyn bolady.
Bul saıys oqýshylardyń zań men tártipti bilip qana qoımaı, qorshaǵan orta, jaqyn-jýyq, dos-jaran, ata-anasyn qurmetteýge úıretedi. Jarysta tek myqtylar jeńiske jetsin», – dedi básekeniń ashylý saltanatynda sóz sóılegen oblystyq Ishki ister departamenti jergilikti polısııa qyzmeti basshysynyń orynbasary, polısııa polkovnıgi Erlan Kármenov.
Reti kelgende aıta keteıik, bizdiń óńirdiń quramasy jyl saıyn uıymdastyrylatyn baıqaýda tórt márte top jarypty.
Azamat QASYM, «Egemen Qazaqstan»
О́SKEMEN