Qazaqstan Respýblıkasynyń Tuńǵysh Prezıdenti – Elbasy Qory janyndaǵy Álemdik ekonomıka jáne saıasat ınstıtýtyna (ÁESI) Azııanyń úzdik 10 saraptamalyq ortalyqtary qataryna kiretin qytaılyq aldyńǵy qatarly think tank – Shanhaı halyqaralyq zertteýler akademııasynyń vıse-prezıdent Iаn Szen bastaǵan delegasııasy keldi.
Taraptar «Úlken Eýrazııa» keńistigindegi aǵymdaǵy geosaıası úrdisterdi, «Nurly jol» baǵdarlamasynyń júzege asýymen úndes «Bir beldeý – bir jol» jobasynyń damýyn, sondaı-aq, ÁESI men ShHZA ortaq ǵylymı jáne zertteý jumystaryn júrgizý múmkindikterin talqylady.
ShHZA ókilderi 2017 jyldyń qarasha aıynda ótetin kezekti «Astana klýb» otyrysyna shaqyryldy. ÁESI dırektory Erjan Saltybaev atap ótkendeı, «Astana klýb» dıalog alańy aıasynda búkil álemniń, sonyń ishinde Azııanyń aldyńǵy qatarly saraptamalyq ortalyqtary sarapshylarynyń birlesip jumys isteýine jaǵdaı jasaý ÁESI úshin Elbasy Nursultan Nazarbaevtyń strategııalyq-ıntegrasııalyq jáne gýmanıtarlyq bastamalaryn jahandyq deńgeıde nasıhattaý jumysyndaǵy basym baǵyt bolyp tabylady.