Osyǵan baılanysty 18 shildede saǵat 18.00.-den bastap Qabanbaı batyr jáne Turan dańǵyldary boıynsha, Kereı Jánibek kóshesinen Uly Dala dańǵylyna deıin kólik qozǵalysyna shekteý qoıylady. Bul týraly qalalyq ákimdiktiń baspasóz qyzmeti habarlady.
Shekteý shara aıaqtalǵanǵa deıin jalǵaspaq. Kólikpen Máńgilik El, Túrkistan jáne Aqmeshit kósheleri boıynsha júrýge keńes beriledi.
Qala turǵyndary men qonaqtary stadıonǵa qoǵamdyq kóliktiń 12 túrimen jete alady: № 10, 12, 27, 37, 40, 51, 53, 501, 502, 503, 505, 506.
Saǵat 18.00.-den qalanyń 4 núktesinen «Astana Arena» stadıonyna aparatyn fýtbol jankúıerleri men konsert kórermenderi úshin arnaıy avtobýs uıymdastyrylady. Avtobýstar «Qazaqstan» SS turaǵy, «Nur Astana» meshiti, «Jastar» saraıy men astanalyq sırk aýmaǵynda uıymdastyrylady. Jol aqysy – 90 teńge, jol bıletteri jaramsyz.
Oıyndar men konsertten keıin qalaǵa № 10, 12, 28, 40, 51, 303 qoǵamdyq kólikterimen jetýge bolady. Saǵat 21.00.-den bastap Qabanbaı batyr dańǵyly boıynsha ornalastqan stadıonnyń turaǵy men «Astana Arena» Stadıony» aıaldamasyna arnaıy avtobýstar uıymdastyrylmaq. «Astana Arena» stadıonynyń turaǵyna resmı qalalyq taksı tasymaldaýshylary keledi.
Astana q. IID jergilikti polısııa qyzmeti kólik júrgizýshilerge sol kúni jol keptelisterine tap bolmas úshin arnaıy baǵytty aldyn ala uıymdastyrýǵa keńes beredi.
Qala bıligi buqaralyq sharalardy ótkizý kezinde tártip pen tazalyq saqtaýǵa úndeıdi.