Aptalyqtyń ashylý sharasyna «Rosatom» memlekettik korporasııasynyń bas dırektorynyń birinshi orynbasary Kırıll Komarov, RF pavılonynyń bas komıssary, RF Saýda jáne ónerkásip mınıstri Georgıı Kalamanov jáne EKSPO-2017 komıssary Rápil Joshybaev qatysyp, saltanatty túrde tusaýkeser lentasyn qıdy.
«Jasyl» energııa kózderindegi teńgerim - bolashaqtaǵy minsiz energııalyq teńgerim bolmaq. Kóptegen halyqaralyq sarapshylar bizdiń bul oıymyzben kelisedi. Árıne, «jasyl» energııalyq teńgerimde atomdyq energetıka eleýli rólge ıe bolyp qala beredi. Biraq, atomdyq tehnologııalar búginde jaı ǵana energetıka emes. Bizdiń ekspozısııany tamashalasańyzdar, medısına men aýyl sharýashylyǵy salalarynda sýdy tazartý jáne tushylandyrýda radıasııalyq tehnologııalardy qoldaný sekildi atomdyq tehnologııalardyń adam ómirin qanshalyqty jaqsartatynyn kórer edińizder. Arktıka taqyryby da erekshe atap ótýge turarlyq maqtanyshymyz. Biz munda reseılik muzjarǵysh flottyń búgini men bolashaǵyn kórsetip otyrmyz. Bul atomdyq energııaǵa negizdelgen álemdegi jalǵyz muzjarǵysh flot. Sondaı-aq, kórmede muzjarǵyshtyń jańa úlgisi - «Lıder» muzjarǵyshynyń jáne atomdyq muzjarǵyshtar men júzbeli atomdyq stansanyń maketteri bar Soltústik teńiz jolyn kóre alasyzdar», dedi «Rosatom» memlekettik korporasııasynyń bas dırektorynyń birinshi orynbasary, halyqaralyq bıznes jáne damý bóliminiń dırektory Kırıll Komarov.
Ashylý saltanatynan keıin kelýshiler 3+ úlgisindegi energetıkalyq blokqa vırtýaldy saıahat jasady jáne radıasııalyq tehnologııalardy medısına men aýyl sharýashylyǵynda paıdalaný, atom energııasyn ǵaryshty meńgerýde qoldaný múmkindikteri jáne sýperkompıýterler, tuıyq otyn sıkly, joǵary ótkizgishter men ıadrolyq energetıka týraly baıandaıtyn ekspozısııamen tanysty.