Bul úıler jańa tehnologııamen qysqa merzimde turǵyzylady. Taýn-haýs úılerdiń bireýinde 24 páter bolady. Zamanaýı baspana memlekettik baǵdarlama boıynsha bank arqyly nesıege beriledi. 2017-2018 jyldary osyndaı 60 turǵyn úı salynýy tıis bolsa, onyń 22-si bıyl tapsyrylady. Iаǵnı, úı kezeginde turǵan 800 adam baspanaly bolady. Jalpy bıyl oblysta 650 myń sharshy metr turǵyn úı salynyp bitedi. Jyl basynan beri 1500-den astam úı paıdalanýǵa berildi. Odan bólek kezekte turǵan myńnan astam turǵyn ózderine tıesili jer telimin alǵan. Turǵyn úı qurylysy salasyn damytý maqsatynda ınjenerlik jeliler qurylysyna 7,5 mlrd teńge bólý josparlanǵan. Bul qarjyǵa gaz, sý, káriz jáne elektr jelileri júrgiziledi. Búginde oblysta úı kezeginde 25 myń adam tursa, jer alýǵa 134 myń turǵyn ótinish bergen.
"Qurylys materıaldarynyń 90%-yna «Úı qurylysy kombınat» ózi shyǵarǵan jergilikti materıaldardy paıdalanady. Tek 10% santehnıka Reseı Federeasııasynan, jaqyn jerden alynyp jatyr. Ereksheligi, bir aıdyń ishinde 3 qabatty 2 kireberisti úıler aıaqtalýǵa jaqyndady", dedi merdiger kompanııa dırektory Aqnur Aqmádı.