2011 jylǵy 31 tamyz, Astana qalasy
Memlekettik qarjylyq baqylaý organdary qyzmetkerleriniń biliktiligin arttyrý erejesin bekitý týraly
Qazaqstan Respýblıkasy Prezıdentiniń 2002 jylǵy 5 tamyzdaǵy № 917 Jarlyǵymen bekitilgen Respýblıkalyq bıýdjettiń atqarylýyn baqylaý jónindegi esep komıteti týraly erejeniń 8-tarmaǵynyń 23-2) tarmaqshasyna sáıkes Respýblıkalyq bıýdjettiń atqarylýyn baqylaý jónindegi esep komıteti qaýly etedi:
1. Qosa berilip otyrǵan Memlekettik qarjylyq baqylaý organdary qyzmetkerleriniń biliktiligin arttyrý erejesi bekitilsin.
2. Respýblıkalyq bıýdjettiń atqarylýyn baqylaý jónindegi esep komıtetiniń apparat basshysy E.Q. Syzdyqov bir aı merzimde Qazaqstan Respýblıkasynyń Ádilet mınıstrliginde osy normatıvtik qaýlynyń memlekettik tirkelýin qamtamasyz etsin.
3. Osy normatıvtik qaýly alǵash resmı jarııalanǵan kúninen bastap qoldanysqa engiziledi.
Tóraǵa O. О́KSIKBAEV.
Respýblıkalyq bıýdjettiń atqarylýyn baqylaý jónindegi
esep komıtetiniń 2011 jylǵy «31» tamyzdaǵy № 4-NP normatıvtik qaýlysymen bekitilgen
Memlekettik qarjylyq baqylaý organdary qyzmetkerleriniń biliktiligin arttyrý erejesi
1. Jalpy erejeler
1. Osy Memlekettik qarjylyq baqylaý organdary qyzmetkerleriniń biliktiligin arttyrý erejesi (budan ári – Ereje) Qazaqstan Respýblıkasynyń 2008 jylǵy 4 jeltoqsandaǵy Bıýdjet kodeksine sáıkes ázirlengen jáne memlekettik qarjylyq baqylaý organdary qyzmetkerleriniń (budan ári – qyzmetkerler) biliktiligin artyrýdy uıymdastyrý men júrgizýdiń tártibin aıqyndaıdy.
2. Baqylaýdy tıimdi júzege asyrý úshin qyzmetkerlerdiń tıisti kásibı deńgeıin qoldaý, sondaı-aq qyzmetkerlerdiń bilimderi men daǵdylaryn arttyrýǵa qajettilikterin qanaǵattandyrý bóligindegi memlekettik qarjylyq baqylaýdyń «Quzyrettilik» standartyn saqtaý maqsatynda qyzmetkerlerdiń biliktiligin arttyrý júzege asyrylady.
3. Biliktilik arttyrýdy:
1) júıeli túrde;
2) ǵylymı túrde;
3) óz betinshe bilim alýmen ushtastyra otyryp júzege asyrý qyzmetkerlerdiń biliktiligin arttyrýdyń negizgi prınsıpteri bolyp tabylady.
4. Biliktilikti arttyrý qyzmetkerlerdiń buryn tıisti deńgeılerde alǵan kásibı bilimderi men daǵdylaryn ushtaýdy qamtamasyz etedi jáne biliktilikti arttyrý sertıfıkatymen rastalady.
2. Biliktilikti arttyrýdyń sharttary
5. Respýblıkalyq bıýdjettiń atqarylýyn baqylaý jónindegi esep komıteti (budan ári – Esep komıteti) Qazaqstan Respýblıkasynyń aýmaǵynda, sondaı-aq odan tys jerde qyzmetkerlerdiń biliktiligin arttyrýdy tıisti ǵylymı uıym (budan ári – oqytýshy uıym) arqyly uıymdastyrady.
6. Memlekettik qyzmetshilerdiń shetelde biliktiligin arttyrý jaǵdaılaryn qospaǵanda, syrtqy memlekettik qarjylyq baqylaý organdary qyzmetkerleriniń biliktiligin arttyrý keminde 3 jylda bir ret júzege asyrylady.
7. Biliktilikti arttyrý baǵdarlamalary baqylaýdy josparlaý men baqylaýdyń qorytyndysyn shyǵarǵanǵa deıingi onyń barlyq kezeńderinde memlekettik qarjylyq baqylaý (aýdıt) júrgizýdi uıymdastyrýdyń beıimdelgen álemdik jáne otandyq tájirıbesin qamtıdy, olar baqylaýdyń (aýdıttiń) jekelegen úlgileri boıynsha bir baǵytqa mamandandyrylǵan oqý baǵdarlamalaryn qamtýy múmkin.
Biliktilikti arttyrý baǵdarlamalary sheńberinde ǵylymı-aqparattyq almasý boıynsha is-sharalar, master-klasstar, trenıngter, óz betinshe bilim alý, tájirıbe júzinde oqý (jumys ornynda taǵylymdamadan ótý) júrgizilýi múmkin.
8. Negizgi bilimderiniń deńgeıi birdeı nemese ár túrli bolyp keletin birdeı nemese ár túrli laýazymdaǵy qyzmetkerler arasynan oqýdyń maqsaty men mazmunyna qaraı oqý toptaryn jasaqtaý júzege asyrylýy múmkin.
9. Biliktilikti arttyrý baǵdarlamasyna engizilgen qyzmetkerler tyńdaýshylar bolyp tabylady.
Bólingen bıýdjet qarajaty sheginde tyńdaýshylardyń derbes quramyn qalyptastyrý Esep komıtetiniń biliktilikti arttyrý baǵdarlamasy bastalǵanǵa deıin bir aıdan keshiktirmeı memlekettik qarjylyq baqylaýdyń tıisti organdaryna joldaǵan suraýy boıynsha júzege asyrylady.
Shetelde biliktilikti arttyrý baǵdarlamasynan ótetin tyńdaýshylardy irikteý osy Erejeniń 20-23-tarmaqtarynda kózdelgen tártippen júzege asyrylady.
10. Biliktilikti arttyrý jumystan qol úzbesten, qol úzip, sondaı-aq ishinara qol úzip júrgiziledi. Sońǵy jaǵdaıda qyzmetkerler memlekettik qarjylyq baqylaý organynyń basshysymen kelisip, Qazaqstan Respýblıkasynyń memlekettik qyzmet týraly zańnamasyna sáıkes bir mezgilde oqı otyryp, jumysyn tolyq emes jumys ýaqyty jaǵdaıynda atqara alady.
11. Tyńdaýshylardyń, oqytýshy uıymnyń jáne/nemese shetelge jiberýshi uıymnyń quqyqtary men mindetteri osy Erejeniń 19-tarmaǵynda kózdelgen talaptar mindetti túrde kórsetile otyryp, tıisti shartpen resimdeledi.
12. Biliktilikti arttyrý baǵdarlamasynyń taqyryby boıynsha tyńdaýshylardyń bilim deńgeıin anyqtaý úshin, oqý kezinde - aǵymdaǵy, oqý aıaqtalǵannan keıin qorytyndy baqylaý ótkiziledi.
Baqylaý testileý jáne áńgimelesý túrinde ótedi. Alynǵan bilimge qorytyndy baǵa qoıý nysanyn oqytýshy uıym óz betinshe aıqyndaıdy.
Tyńdaýshynyń qorytyndy baqylaýdan óte almaýy budan keıin onyń biliktiligin arttyrý boıynsha sharalar qoldanýǵa, óz betinshe bilim alý aıasynda qaıta daıarlaýǵa jáne qorytyndy baqylaýdan ótpeı qalǵannan keıin alty aıdyń ishinde sertıfıkattaýdan qaıta ótýine negiz bolyp tabylady.
Tyńdaýshynyń qorytyndy baqylaýdan qaıtadan óte almaı qalýy týraly málimetter memlekettik qarjylyq baqylaý organynyń basshysyna jiberiledi.
3. Biliktilikti arttyrýdyń mazmuny men merzimi
13. Biliktilikti arttyrý baǵdarlamalaryn iske asyrý oqytýshy uıymnyń jumys oqý baǵdarlamalaryna sáıkes júzege asyrylady.
14. Oqý baǵdarlamalarynda tyńdaýshynyń aýdıtorlyq jumysyna jáne kýrs baǵdarlamasynda kórsetilgen tapsyrmalar sheńberinde óz betimen bilim alýyna oqý ýaqyty kózdeledi.
15. Qyzmetkerlerdiń biliktiligin arttyrýdyń uzaqtyǵy úsh kúnnen eki aptaǵa deıin quraıdy.
16. Qorytyndy baqylaýdyń nátıjesi boıynsha biliktilikti arttyrý baǵdarlamalaryn ıgergen tyńdaýshylarǵa sertıfıkat beriledi.
4. Sheteldik mamandardy tarta otyryp shetelde biliktilikti arttyrý
17. Shetelde oqytý memlekettik qarjylyq baqylaý (aýdıt) salasynda bilim berý, ǵylymı-zertteý qyzmetin júzege asyratyn sheteldik uıymdarda (budan ári – sheteldik uıymdar) ótkiziledi.
Sheteldik jetekshi mamandardy tartý qazaqtandyq tarap pen sheteldik mamannyń jáne (nemese) sheteldik uıymnyń arasynda jasalatyn sharttarǵa sáıkes júzege asyrylady.
18. Respýblıkalyq bıýdjet qarajaty esebinen sheteldik uıymdarda biliktiligin arttyrýǵa memlekettik qarjylyq baqylaý organdarynda keminde eki jyl qyzmet ótkerip kele jatqan memlekettik qyzmetshiler jiberiledi.
19. Shetelge oqýǵa jiberiletin tyńdaýshylar biliktilikti arttyrý baǵdarlamasy aıaqtalǵannan keıin bir jyl boıy memlekettik qarjylyq baqylaý organdary júıesinde jumys isteýge tıis.
Eger tyńdaýshy oqý baǵdarlamasynan dálelsiz sebeppen shyǵyp qalǵanda nemese osy tarmaqtyń birinshi bóliginde kórsetilgen óz mindettemelerin oryndamaǵanda, ol óziniń biliktiligin arttyrýǵa jumsalǵan qarajatty tolyq kóleminde qaıtarýǵa tıis.
20. Shetelde biliktilikti arttyrýǵa tyńdaýshylardy irikteýdi Esep komıteti ashyq konkýrs negizinde júzege asyrady.
21. Konkýrsqa qatysý úshin Esep komıtetine:
1) tyńdaýshyǵa kandıdattyń ótinishi (erkin nysanda);
2) memlekettik qarjylyq baqylaý organynyń birinshi basshysy nemese ony almastyrýshy tulǵa qol qoıǵan usynymhat;
3) qyzmettik tizim;
4) sheteldik uıymdardyń talaptary boıynsha ózge de qujattar (olar qajet bolǵanda) jiberiledi.
22. Kandıdattardy irikteýdi konkýrstyq komıssııa júzege asyrady, onyń quramyn Esep komıtetiniń Tóraǵasy bekitedi.
23. Mynalar:
1) shetelde oqý baǵdarlamasy boıynsha qyzmetkerdiń mamandanýy;
2) tildik bilimi (qajet bolǵanda);
3) shetelde biliktilikti arttyrýdy ótkerý úshin buryn jasalǵan shart (ol bolǵan jaǵdaıda) talaptaryn qyzmetkerdiń saqtaýy konkýrstyq komıssııanyń ótkizetin irikteýine yqpal etetin ólshemder bolyp tabylady.
24. Konkýrstan ótken tyńdaýshylardyń qorytyndy tizimin Esep komıtetiniń ádisnama men syrtqy baılanystarǵa jaýapty qurylymdyq bólimshesi konkýrstyq komıssııanyń hattamalyq sheshimi negizinde qalyptastyrady. Qorytyndy tizimge engizilgen adamdar nátıjeler týraly habardar etiledi.
Qaýly Qazaqstan Respýblıkasynyń Ádilet mınıstrliginde 2011 jylǵy 16 qyrkúıekte Normatıvtik quqyqtyq kesimderdi memlekettik tirkeýdiń tizilimine №7189 bolyp engizildi.