QR Ulttyq Ulany «Shyǵys» óńirlik qolbasshylyǵynyń, baspasózben baılanys qyzmetiniń bastyǵy Baǵdat Amangeldiniń aıtýynsha, baıqaýǵa QR Ulttyq Ulany «Shyǵys» óńirlik qolbasshylyǵynga qarasty 5511(Semeı), 6679 (Pavlodar), 5518, 3477, 6699 (О́skemen), 3514 (Kýrchatov) áskerı bólimderinen kelgen áskerı qyzmetshileri qatysyp otyr. Baıqaý úsh kezeńnen turady.
Baıqaýǵa QR Ulttyq Ulany «Shyǵys» óńirlik qolbasshylyǵy qolbasshysynyń tárbıe jáne áleýmettik-quqyqtyq jumystary jónindegi orynbasary, qazylar alqasynyń tóraǵasy, polkovnık Nııaztaı Álkeshev, QR Ulttyq Ulany Bas qolbasshylyǵynyń tárbıe jáne áleýmettik quqyqtyq jumystary bas basqarmasynyń til saıasaty jáne aqparat bóliminiń aǵa ofıseri kapıtan Janarbek Muqatov jáne taǵy basqalary qazylyq etti.
Baıqaý qorytyndysy boıynsha О́skemen qalasyndaǵy 3477 áskerı bóliminiń kelisim-shart boıynsha qyzmetshisi, qatardaǵy Evgenıı Otadchıı júldeli birinshi oryndy ıelense, 5518 áskerı bóliminiń kishi serjanty Konstantın Ivashkevıch ekinshi orynǵa shyqty. Al Pavlodar qalasyndaǵy 6679 áskerı bólimi atynan baq synaǵan qatardaǵy Andreı Sedýnov Qazaqstan Respýblıkasy Ulttyq Ulan Bas qolbasshysynyń buıryǵymen úshinshi dárejeli dıplom jáne baǵaly syılyqpen marapattaldy.
Aıta ketý kerek, júldeli birinshi orynnan kórine bilgen О́skemen qalasyndaǵy 3477 áskerı bóliminiń kelisim-shart boıynsha qyzmetshisi, qatardaǵy Evgenıı Otadchıı Vıacheslavovıch kúzde QR Ulttyq ulany Bas qolbasshylyǵynyń uıymdastyrýymen ótetin «Memlekettik til –meniń tilim» atty respýblıkalyq baıqaýǵa qatysatyn boldy.
Raýshan Nuǵmanbekova
Semeı qalasy