«Rýsatom — Halyqaralyq júıesi» uıymdastyrǵan «Rosatom» Memlekettik korporasııasynyń beıatomdyq ónimderi – Qazaqstannyń turaqty damýyna arnalǵan joǵary tehnologııalar» dóńgelek ústeliniń maqsaty qazaqstandyq mamandardy beııadrolyq jáne beıenergetıkalyq baǵyttaǵy ónerkásipterdiń ónimderimen tanystyrý.
Dóńgelek ústeldiń ashylýynda sóz alǵan «Rýsatom halyqaralyq júıesi» kompanııasynyń prezıdenti Aleksandr Merten sharanyń mańyzdylyǵyn atap, bul ónimdi kórsetýdiń erekshe múmkindigi ǵana emes, sondaı-aq ónerkásiptik kooperasııanyń barlyq túrleri men úlgileriniń damýy úshin, bıznes-alıanstar men ortaq ónerkásipter qurýdyń jańa múmkindigi ekendigin kórsetti: «Biz 2030 jylǵa qaraı jańa ónimderden paıda tabýdyń úlesin jalpy tabysta 30% deıin jetkizý strategııalyq maqsatyn qoıyp otyrmyz. Búginniń ózinde jańa ónimderge degen 10 jyldyq merzimge tapsyrystar qorjyny 16,8 mlrd. AQSh dollaryn qurasa, 2016 jylǵy jańa ónimderden túsken paıda 3,15 mlrd. AQSh dollarǵa jetti. Strategııalyq maqsatqa jetý úshin qolymyzda bári bar: kadrlar, óndiristik jáne ǵylymı-tehnologııalyq múmkindikter. Rosatom úshin jańa sektorlardaǵy belsendilik – dástúrli ıadrolyq-energetıkalyq bıznestiń qurǵan resýrstaryn qoldana otyryp, jańa kommersııalyq turǵydan jemisti baǵyttardy ashýdyń amaly. Osy tusta halyqaralyq yntymaqtastyq úshin tamasha múmkindik týyp, eki jaqqa da paıdasy tıedi», - dedi A.Merten.
Dóńgelek ústelde Rosatom ónerkásipteriniń ókilderi sóz sóılep, Rosatomnyń beııadrolyq jáne beıenergetıkalyq salalaryndaǵy aýqymdy tájirıbesi men jobalaryn tanystyrdy. Joǵarytehnologııalyq baǵytta Qazaqstan úshin AES qana emes, sondaı-aq gazmunaıhımııa jáne jylý energetıkasy salalarynda qoldanylatyn tehnologııalyq prosesterdi basqarýdyń avtomattandyrylǵan júıesi, ınjenerııa jáne aqparattyq tehnologııalar qyzyǵýshylyq týdyrýy múmkin.
Shaǵyn GES jobasyn tanystyra otyryp, «Atomenergomash» AQ halyqaralyq qyzmetiniń dırektory Roman Mýrashov qondyrǵynyń negizgi artyqshylyqtary retinde elektr energııasyn óndirýdegi salystyrmaly tómen ózindik kuny, óndiris pen iske asyrýdyń qysqa merzimdiligi, qarapaıym jáne jyldam qurastyrylýyn atady. Shaǵyn GES GANZ EEM («Atomenergomash» AQ enshiles ónerkásibi) vengrııalyq kompanııasymen shyǵarylady. Spıkerdiń aıtýynsha, bul alshaq ornalasqan aýdandarǵa arnalǵan, bóget salýdy qajet etpeıtin ári ózenderdiń ekologııasyna zııan keltirmeıtin tıimdi ekonomıkalyq sheshim.
UMATEX Group kompanııasynyń satylymdar boıynsha dırektory Aleksandr Ignatev kólik, qurylys jáne ónerkásip salalaryna arnalǵan kómir talshyqtaryn qoldanýdyń múmkindikteri týraly aıtyp berdi.
«Atomenergomash» AQ Strategııa jáne damý departamentiniń dırektory Ilıa Lychev óziniń «Taza sý» ekologııalyq qaýipsizdiktiń negizgi faktory: tushylandyrý, sýdy daıyndaý, sýdy tazartý» baıandamasynda energııalyq kózdermen (AES nemese JES) biriktirilgen tushylandyrý keshenderi týraly, sondaı-aq sýdy daıyndaý salasyndaǵy keshendi sheshimder, aqpasýlaryn tazartý, Qazaqstanda kerek bolýy múmkin energetıkalyq jáne ónerkásiptik nysandar jumysyna qajetti paıdaly sýdy alý jaıynda áńgimeledi.