Tabystalǵan sertıfıkattyń 26-sy otandyq óndirýshiden 16 sý jańa avtokólik satyp alýǵa paıdalanylǵan. Eki sertıfıkatty qosý (315 000 teńge + 315 000 teńge = 630 000 teńge) arqyly 10 jańa kólik satyp alynǵan.
Tozǵan kólikti ótikizip, jeńildik sertıfıkatyn alý Baǵdarlamasy boıynsha Pavlodar qalasy alda tur. Atalǵan qalada 43 kólik tapsyrylǵan. Ekinshi orynda 27 kólik ótkizgen Qostanaı qalasy. Úzdik úshtikti 7 mashına tapsyrǵan Almaty qalasy túıindegen. Joıýǵa tapsyrylǵan kóliktiń 104 jeńil, 17 jolaýshylar jáne 1 júk kóligi. Jeńildik sertıfıkaty boıynsha ótkizilgen tehnıkalardyń shyǵarylǵan jyly 1980 – 1993 j aralyǵyn qamtıdy.
Eski kólikterdi joıýǵa tapsyryp, jańa kólik satyp alýǵa jeńildik beretin sertıfıkat Baǵdarlamasy 2017 jyldyń 26 maýsym aıynan bastap iske qosyldy. Baǵdarlama talaby boıynsha jeńil kólikten bastap, jolaýshylar jáne júk mashınalary qabyldanady.
Baǵdarlama boıynsha eki sertıfıkatty biriktirip, kez kelgen sanattaǵy kólik quralyn satyp alýǵa bolady. Jáne de berilgen sertıfıkatty ózge tulǵanyń atyna eki retten artyq qaıta tirkeýge bolmaıdy. Sertıfıkat berilgen kúnnen bastap 12 aıǵa jaramdy. Búgingi tańda О́KM Operatory tozyǵy jetken kólik quraldaryn satyp alý jáne sertıfıkat berý Baǵdarlamasy boıynsha bas aıaǵy – 27 712 avtokólik qabyldady.