"Memleket basshysy Nursultan Nazarbaevtyń Jarlyǵymen «Qazaqstan Respýblıkasynyń memlekettik qyzmeti týraly» Qazaqstan Respýblıkasy Zańyna sáıkes Qazaqstan Respýblıkasy Prezıdenti Ákimshiliginiń basshysy Ádilbek Ryskeldiuly Jaqsybekovtiń ókilettigi zeınetkerlik jasqa tolǵan kúnnen bastap 2022 jylǵy 26 shildeni qosa alǵandaǵy merzimge deıin uzartyldy", delingen habarlamada.
Esterińizge sala ketsek, Ádilbek Jaqsybekov bul qyzmetke 2016 jyly taǵaıyndalǵan bolatyn. Oǵan deıin ol 2014 jyldyń qazan aıynan bastap Astana qalasynyń ákimi qyzmetin atqardy.
Ádilbek Ryskeldiuly Jaqsybekov 1954 jyly Qostanaı oblysynda týǵan.
1978 jyly Búkilodaqtyq kınematografııa (Máskeý q.) memlekettik ýnıversıtetin támamdaǵan.
1987 jyly Plehanov atyndaǵy halyq sharýashylyǵ ınstıtýtynda «materıaldyq-tehnıkalyq jabdyqtaýdyń uıymdastyrýshysy» mamandyǵy boıynsha qaıta daıarlyqtan ótken. 1988-95 jyldary – kópsalaly «Sesna» korporasııasynyń basshysy qyzmetin atqardy.
1995 jyly Qazaqstan Respýblıkasy Parlamentiniń Senatyna saılanyp, 1996 jyly Aqmola oblysy ákiminiń orynbasary qyzmetine taǵaıyndaldy.
1997 jyldyń jeltoqsanynan 2003 jyldyń maýsymyna deıin Astana qalasynyń ákimi boldy.
2003 jyldyń shildesinen 2004 jyldyń jeltoqsanyna deıin – Qazaqstan Respýblıkasy Indýstrııa jáne saýda mınıstri, 2004-2008 jyldary – Qazaqstan Respýblıkasy Prezıdenti Ákimshiliginiń basshysy, 2008 jyldyń qańtarynda "Nur Otan" halyq demokratııalyq partııasy tóraǵasynyń birinshi orynbasary qyzmetterin atqardy.
2008 jyldyń qarasha aıynan – Qazaqstan Respýblıkasynyń Reseı Federasııasyndaǵy Tótenshe jáne О́kiletti Elshisi, 2009 jyldan – Qazaqstan Respýblıkasynyń Qorǵanys mınıstri boldy.