Ulttyq sport túrleri qaýymdastyǵynyń baspasóz qyzmetkeri Tólegen Jákitaıuly taratqan aqpar boıynsha joǵarydaǵy mártebeli jarysqa elimiz sadaqshylarymen qatar, at ústi ári shabys barysynda sadaq atýdan álemge tanymal majarlyq mergen Kashshaı Laıosh pen onyń áriptesteri qýmandyq sadaqshylar Chemez Farkas jáne Nametı Krıstofler jamby atý saıysynda baq synaıtyn kórinedi.
Búgingi tańda etnıkalyq sadaq atý sportyn damytyp otyrǵan jurttyń biri – Túrkııadan sadaqshy-bapker Levent Talha men onyń shákirti Murat Bonjýk bastaǵan mergender saılanyp shyqsa, malaızııalyq surmergen Ahma Dakalan, polıak sadaqshysy Radoslav Kozých, rýmynııalyq Mıhaı Kozmeı (Mihai Cozmei), fınlıandııalyq Anna Katavına (Anna Kataviina), Qatar elinen Valıd Havajýık (Walid Khawajkyc), nemis sportshysy Djýlııa Jozefına Salts (Giulia Josefine Salts) syndy sadaqshylar qoramsaǵyn qanjyǵalap, jebesin saılap elordada ótetin alaman saıysqa at basyn tireıdi. Bulardan basqa jaqyn kórshi elder: Qyrǵyzstan, О́zbekstan, Mońǵolııa, Reseı, Qytaı mergenderi de halyqaralyq jarystan tys qalmaıdy.
Tarıhta tuńǵysh ret uıymdastyrylyp otyrǵan mundaı mártebeli jarysqa qazaq mergenderi – jamby atýdan «Uly Dala oıyndary» festıvaliniń jeńimpazy Eldos Badashev bastaǵan jas jambyshylar: Aıtbek Sarybaı, Aıkóz Eralhan, Abzal Týlybekov, Bekqalı Úzdenbaevtar el namysyn qorǵaıdy.
Týrnıriniń júlde qory da qomaqty. Besinshi orynǵa deıingi báıgeniń bási bar. Iаǵnı, birinshi orynǵa – 5 myń, ekinshi orynǵa – 3 myń, úshinshi orynǵa – 2 myń, tórtinshi orynǵa – 1 myń, sońǵy júlde besinshi oryn úshin – 500 dollar kóleminde syılyq taǵaıyndalǵan.
Beken Qaıratuly,
«Egemen Qazaqstan»