Aqmola oblysy boıynsha «Aq bulaq» baǵdarlamasyna sáıkes sý qubyry jelilerin qaıta qurý jáne salý maqsatynda 2012-2014 jyldarǵa jalpy somasy 22 mlrd. 992 mln. teńge turatyn 11 ınvestısııalyq joba daıyndalǵan. Qujattar ýaqytynda quzyrly organdarǵa tapsyrylsa da, keıbir jobalar belgisiz sebeptermen tolyq kólemde sheshimin tappaǵan.
Sonymen qatar, aǵymdaǵy jyly jańa baǵdarlama talaptaryna sáıkes oryndalǵan túzetýlerden keıin buryn bastalǵan 30 ınvestısııalyq jobany tolyq aıaqtaý úshin jalpy kólemi 3 mlrd. 224 mln. teńge qajet.
Aýyz sý máselesiniń kúrdeli jaǵdaıda ekenin eskere otyryp, Qarjy mınıstrligi 2012 jylǵa Aqmola oblysy ákimdiginiń hatynda kórsetilgen jobalardy qarjylandyrý úshin qosymsha qarajat qarastyrsa, durys bolar edi.
Jeksenbaı DÚISEBAEV, Májilis depýtaty.