Soltústik Qazaqstan oblysy Taıynsha aýdanyndaǵy shoshqa ósirý kesheninde bolǵan órt saldarynan júzden astam «talpaq tanaý» janyp ketken. Bul týraly oblystyq tótenshe jaǵdaılar jónindegi departamenttiń mamandary brıfıngte málimdedi.
О́rtti aýyzdyqtaýǵa 9 tehnıka, 30 adam jumyldyrylǵanymen, «tilsiz jaý» birinshi korpýstyń 3600 sharshy metrin qamtyǵan. Habardyń kesh túsýine baılanysty sendvıch-panelderden qurastyrylǵan ǵımarattyń kóp jeri zaqymdanyp, shatyr opyrylyp túsken. Tútinnen ýlanǵan 28 megejin men 95 toraı qyrylyp qalǵan.
100 myń basqa eseptelgen shoshqa kesheni 2007 jyly paıdalanýǵa berilgen bolatyn.
О́mir Esqalı, «Egemen Qazaqstan» Soltústik Qazaqstan oblysy