Pavlodar oblysynda 2020 jylǵa deıin «Nurly jer» baǵdarlamasy aıasynda 1 mln astam sh. m. turǵyn úıdi paıdalanýǵa berý josparlanǵan, onyń ishinde 4 909 nesıelik turǵyn úı páteri jáne 868 arendalyq turǵyn úı páteri. Bul týraly QR Premer-Mınıstri Baqytjan Saǵyntaevqa oblys ortalyǵyndaǵy «Saryarqa» shaǵyn aýdanyn aralaý barysynda baıandaldy.
Baqytjan Saǵyntaev «Saryarqa», «Dostyq» shaǵyn aýdandary qurylysynyń bas josparymen tanysty, onda jalpy 100 ga-dan astam aýdanda 400 myńnan astam sh. m. turǵyn úı, 4 balabaqsha, mektep, emhana jáne áleýmettik jáne mádenı-sporttyq maqsattaǵy basqa da nysandar paıdalanýǵa beriledi.
Oblys ortalyǵynda jáne óńirdiń iri ónerkásip ortalyqtary – Ekibastuz jáne Aqsýda jeke turǵyn úı qurylysyn damytý sharalary qoldanylýda. Oblysta 2020 jylǵa deıin barlyǵy shamamen 437 myń sh. m. jeke turǵyn úı salý josparlanǵan.
QR Premer-Mınıstri Baqytjan Saǵyntaev oblys ortalyǵynyń ınfraqurylym nysandaryn damytýmen tanysty jáne Ertis ózeniniń ústimen ótetin kópir ótkeline bardy. Ortalyq Azııa elderindegi eń iri kópir qurylysy elimizdiń Prezıdenti N. Nazarbaevtyń tapsyrmasymen «Nurly jol» baǵdarlamasy aıasynda salynǵan. Kópir «Ortalyq-Shyǵys» kólik dáliziniń bir bóligi bolyp tabylady.
Kópirdiń jalpy uzyndyǵy - 12,3 km, ótkizý qabileti – táýligine 10 myń avtomobılge deıin. О́tkel tranzıttik avtomobılder úshin shamamen 40 shaqyrym qysqartýǵa múmkindik beredi.