Kolledj dırektory Aqbaı Kúshimbaevtyń aıtýynsha, munda 2015 jyldan beri resýrstar ortalyǵy jumys isteıdi. Bıyl onyń qabyrǵasynan 160 jumyssyz jáne mamandyǵy joq jandar «Qunarly jumyspen qamtý jáne kásipkerlikti damytý» baǵdarlamasy aıasynda bilim alyp, jumysshy mamandyǵyn meńgergeni jóninde dıplom tapsyrylǵan. Olardyń qatarynda Nıkıta Savonıýk ta bar. Ol tájirıbesin kásiporynda ótep, qysqa merzimdi kýrsty bitirgennen keıin jumysqa ornalasypty. Sol sııaqty Oral Aıapbergenov te jumysqa ornalasaryna senimdi.
Bul oqý ornynda aspaz, býhgalter mamandyqtaryna da daıarlaıdy.
«Oblysta «О́ńirdi damytý» baǵdarlamasy boıynsha 11 bilim berý mekemesi jumysshy mamandaryn ázirleıdi. Bıyl bul maqsat úshin jergilikti bıýdjetten 292 mıllıon teńge bólindi. Stýdentterdiń alańsyz oqýyna barlyq jaǵdaı jasalǵan. Shákirtaqy tólenedi, jataqhana beriledi. Jumysqa ornalastyrylady», deıdi qalalyq jumyspen qamtý jáne áleýmettik baǵdarlamalar bóliminiń mamany Janar Núrkebaeva.
О́mir ESQALI, «Egemen Qazaqstan»