Aqtóbe oblysy aýyl sharýashylyǵy basqarmasynyń málimetine súıensek, aqtóbelikter jármeńkede 300 tonna aýyl sharýashylyǵy ónimderin usynbaq.
Jármeńkege 6 aýdan men Aqtóbe qalasynan 50-den astam aýyl sharýashylyǵy taýar óndirýshileri men qaıta óńdeýmen aınalysatyn kásiporyndar qatysady.
Jármeńkedegi ónimderdiń baǵasy Astana qalasy bazarlarynyń baǵasynan 10-15% tómen bolady. Jetkizilgen ónim qatarynda ettiń barlyq túri - 124 tonna, kartop jáne kókónis -26 tonna, sút ónimderi - 27 tonna, ósimdik maıy - 15 tonna, jumyrtqa - 21 myń dana bar.
Sondaı-aq, shujyq jáne konservi ónimderi jáne jylyjaı ónimderi usynylady. Sondaı-aq birqatar qaıta óńdeý kásiporyndarynyń sút ónimderi, qymyz, shubat, eshki súti, un, makaron ónimderin satyp alýǵa bolady. Is-shara Aqtóbe oblysynyń bıshi, ánshi ártisterimen uıymdastyrylǵan konserttik baǵdarlamamen qatar ótkiziledi.