Jaqynda osy bilim ordasyndaǵy mýzeıde qalamgerdiń qurmetine arnaıy burysh ashylyp, mektepti 1997 jyly bitirgen túlekter ult rýhanııatyna ólsheýsiz úles qosqan tulǵanyń 5 tomdyq shyǵarmalar jınaǵyn, óz oryndaýyndaǵy 73 kúıi engen «Taltús» SD-albomyn, ózi ssenarııin jazǵan «Birjan sal», «Qunanbaı» fılmderiniń dıskisin saltanatty túrde tabys etti. Taǵylymdy shara aıasyndaǵy jurt kóńilin serpiltken bir jańalyq, 1980 jyly týǵan túlekterdiń Talasbek Ásemqulov atyndaǵy stıpendııa taǵaıyndaýy.
«Bul stıpendııa jańa oqý jylynan bastap mekteptiń úzdik oqýshysyna aı saıyn berilip otyratyn bolady. Aıǵyzdaǵy mektepti osydan 20 jyl buryn támamdaǵan túlekter aqyldasa kele osyndaı sheshim qabyldadyq. Jazýshyǵa degen qurmet eń áýeli ósip-óngen mekeninen bastalýy tıis dep uıǵardyq», deıdi bilim ordasyn 1997 jyly bitirgen túlekterdiń biri Baýyrjan Sabyrbekov.
Sonymen qatar, 20 jyldyq kezdesý aıasynda jazýshynyń rýhyna duǵa baǵyshtalyp, Quran Hatym túsirilip, taı, qunan, at báıgesi uıymdastyryldy. Túlekter aýylda salynyp jatqan meshit qurylysyna kómek retinde 100 myń teńge qarajatty tabys etti.
Azamat QASYM, «Egemen Qazaqstan»