«Qazaqstan aýmaǵyndaǵy kınojobalarǵa qýana-qýana qatysar edim», - dedi akter.
Gollıvýd kınosynyń maıtalmany Qazaqstan astanasyna joǵary baǵa berdi.
«Astananyń sáýletine qarap, erekshe lázzat aldym. Men kórgen búgingi qala bolashaqqa boljam jasaǵan eski aq-qara tústi fılmdi eske saldy», dep atap ótti ol. Qazirgi ýaqytta akter bıýdjeti kishigirim jańa jobamen jumys istep jatqan kórinedi.
«Men akter retindegi óz mansabymdy táýelsiz kınolardan bastaǵanmyn. Qazir Kosmatos atty jańa rejıssermen «Mendı» fılmin túsirip jatyrmyz. Maǵan bıýdjeti shaǵyn, biraq tutas kınematografııaǵa erekshe tásilmen keletin fılmder unaıdy», deıdi Keıdj.
Sondaı-aq, kıno ańyzy ózi oınaǵan janyna eń jaqyn keıipker týraly aıtyp berdi.
«Maǵan kúrdeli rólder unaıdy. Úsh-tórt jyl buryn «Djo» fılmine tústim, sondaǵy keıipker ómirdegi ózime qatty uqsaıdy», dedi ol.
Aıta keteıik, búgin «Qazaqstan» ortalyq konsert zalynda «Eýrazııa» kınofestıvaliniń ashylý saltanaty ótedi. Oǵan «A» sanatyndaǵy Nıkolas Keıdj, Edrıen Broýdı, Djon Malkovıch syndy tanymal álemdik juldyzdar qatysady. Kınofestıval aıasynda kıno óneriniń álemdik juldyzdary sheberlik sabaqtaryn ótkizetin bolady.