21 shildede bastalǵan Túrkııada Ege teńiziniń jaǵalaýyndaǵy aımaqtarda jer silkinisi mezgil-mezgil qaıtalanyp otyr. Bodrým provınsııasy ákimdigi men Tótenshe jaǵdaılar basqarmasynyń málimetterine sáıkes, 21 shildede jergilikti ýaqyt boıynsha shamamen saǵat 20:09-da 5 balldyq magnıtýdada jer silkinisi bir ret qana oryn aldy, sondaı-aq mezgil-mezgil qaıtalanyp otyrǵan silkinisterdiń 4 balldyq magnıtýdadan aspaýda. Ystanbul tehnıkalyq ýnıversıtetiniń Geofızıka bóliminiń mamandarynyń habarlaýynsha endigi kezekte alǵashqy jer silkinisinen keıin taǵy bir joǵary silkinis bolý yqımaly óte az. О́z kezeginde, 5 baldan tómen qosalqy silkinister 3 aptaǵa sozylýy múmkin.
TR Kandıllı jer silkinisi observatorııasynyń dırektory Halýk О́zenerdiń aıtýynsha Túrkııa aýmaǵynyń 80-85 paıyzynda jer silkinisi bolý qaýpi bar. Ár 25-30 jylda jańa bir jer silkinisi, ár 1,5-2 jylda kúshtiligi 6 balldan asatyn jer silkinisi bolyp otyrýy múmkin. Qazirgi tańda túrik úkimeti atalǵan jaǵdaıǵa baılanysty daǵdarys ortalyǵyn qurǵan. Osy rette, Bodrým aımaǵyndaǵy ǵımarattardyń alǵashqy jer dúmpýinde kishigirim zardaptardyń oryn alýy, osy aımaqtaǵy ǵımarattardyń alasa bolýy jáne sapaly bolýynyń arqasynda bolyp otyr. Jergilikti resmı málimetterge sáıkes, zilzalalar saldarynan qaza tapqandar tirkelmedi, jaraqat alǵandardyń ishinde QR azamattary joq.
Bodrýmdaǵy týrısttik nysandar jáne jergilikti áýejaı, halyqaralyq baǵyttaǵy áýekompanııalarynyń ushýlary turaqty túrde jalǵastyryp jatyr.
QR Ystanbuldaǵy Bas konsýldyǵy jergilikti bılikpen, qazaqstandyq týrıstik operatorlarmen (ásirese, Bodrým baǵytynda jumys isteıtin qazaqstandyq «Kompas» týrıstik kompanııasymen) jáne Almaty - Ystanbul (Sabıha Gókchen halyqaralyq áýejaıy) - Bodrým baǵyty boıynsha turaqty ushatyn Pegasýs áýejoldary kompanııasynyń ókilderimen tyǵyz baılanys ornatyldy. Pegasýs áýe joldarynyń málimetterine sáıkes, áýe kompanııanyń turaqty Almaty-Ystanbul-Bodrým baǵyttary boıynsha ushýlary kestege sáıkes jalǵastyrylýda.
Telefon soqqan QR azamattarymen jáne Bodrýmda ornalasqan qonaq úılermen jeke-jeke baılanys quryp azamattarymyz jaıynda aqparat jınaqtaý jumystary jalǵasýda.
Qazirgi tańda atalǵan aımaqtardaǵy 20-ǵa jýyq QR azamattarymen baılanys ornatyldy. Qolda bar aqparatqa sáıkes týrıstik agenttikter arqyly Bodrým provınsııasynda 51 QR azamattary demalýda. QR azamattarynyń qalaýy boıynsha Túrkııanyń basqa aımaqtarynda demalystaryn jalǵastyrý úshin týrıstik agenttiktermen habarlasyp, QR azamattarymen tikeleı baılanys ornatyldy.
Bodrým baǵytynda jumys isteıtin qazaqstandyq «Kompas» túrıstik agenttiginiń aqparatyna sáıkes, Pegasýs áýekompanııasymen aldaǵy aptada shamamen 60 QR azamattarynyń Bodrým qalasyna ushýlary kútilýde. Túrik áýe joldary ú.j. 22 shildede jergilikti ýaqyt boıynsha saǵat 19.00-da 157 adamdyq TK 4910 reıspen qosymsha tasymaldaý jasaıtyny jáne kúndelikti reısterge jolaýshy sanyn arttyratyny týraly habarlaıdy.
Jalpy alǵanda, Elshilik, Ystanbuldaǵy jáne Antalııadaǵy konsýldyq ahýaldy baqylaýda ustaýda. Otandastarymyzdyń aqparat jáne kómek alý boıynsha tikeleı jáne jedel baılanys qurylǵan. Olar:
- Qazaqstan Respýblıkasynyń Túrkııadaǵy Elshiligi (Ankara qalasy): +90 312 491 91 00- ishki nómiri: 9
- QR Ystanbuldaǵy Bas konsýldyǵy: +90 212 662 53 47/48- ishki nómiri: 111
- QR Antalııadaǵy konsýldyǵy: +90 242 324 26 11