Otan aldyndaǵy boryshyn óteýge kirisken jastar Qazaqstannyń ońtústik oblystarynan, Qaraǵandy men Aqtóbeden kelgen. Ant bergen sarbazdar sany 200-den asyp jyǵylady.
«Búgin sizderdiń ómirińizde umytylmas shara ótip jatyr. Sizder Otan aldynda, Prezıdentke ant berdińizder. Qoǵamdyq tártiptiń, tynyshtyqtyń saqtalýyna bar kúsh-jigerlerińizdi jumsaıtyn bolasyzdar. Er azamattyń, jastardyń eń úlken paryzy – el tynyshtyǵyn, Otandy qorǵaý. El senimin aqtańyzdar!» dedi 6697-shi ásker bóliminiń komandıri, maıor Erlan Ipatov.
Jastardyń ant berý rásimi saltanatyna olardyń ata-analary kelip qatysty. Saltanatqa sonymen qatar, áskerı bólimniń ardagerleri de shaqyryldy. Olar jas sarbazdarǵa jáne áskerı bólimniń barlyq quramyna jaýyngerlik daıyndyqtyń joǵary deńgeıdegi belesterin baǵyndyrýlaryna tilektestik bidirdi.
Názıra JÁRIMBETOVA, «Egemen Qazaqstan»