Ádemi ári velosıpedterin jaryq shamdarmen bezendirgen qatysýshylar velosherýdi bastamas buryn bı bılep, ózderine kóterińki kóńil-kúı syılady. Artynsha, márege kelgen áýesqoılar arasynda kóptegen baǵaly syılyqtar oınatyldy. Al eń basty syılyq - velosıpedti Nona esimdi almatylyq turǵyn jeńip aldy.
- Men óte qýanyshtymyn. Túngi velosherýge alǵash ret qatysyp, osyndaı baǵaly syılyq utyp aldym. О́zimniń joldasyma osy sportqa degen qyzyǵýshylyǵymdy arttyrǵany úshin alǵys aıtamyn. Sonymen qatar, uıymdastyrýshylarǵa da rahmet aıtqym keledi, sebebi biz úshin arnaıy joldardy jaýyp, halyqty salaýatty ómir saltyna shaqyrýda. Aldaǵy ýaqytta da velosherýlerge mindetti túrde qatysatyn bolamyz, dedi Nona.
Aıta keter jaıt, bıyl ekinshi ret ótken túngi velosherý «Sporttyq Almaty» buqaralyq sportty damytýǵa arnalǵan baǵdarlama aıasynda uıymdastyrylyp otyr. Aldaǵy ýaqytta, uıymdastyrýshylar 8 velosherý ótkizýdi josparlaýda.