Taıland astanasy Bangkok qalasynda kadetter arasynda áıelder kúresinen Azııa chempıonatynda batysqazaqstandyq Aıdana Sultanova qola júldeger atandy, dep habarlaıdy «QazAqparat».
Sportqa daryndy balalarǵa arnalǵan mamandandyrylǵan oblystyq mektep ınternatynan túsken málimetke qaraǵanda, osynda oqyp, jattyǵatyn Aıdananyń bapkeri - Musabek Naregeev. A.Sultanova - bolashaǵynan úlken úmit kúttiretin jas sportshylardyń biri.
Aıta keteıik, budan buryn osy mekteptiń taǵy bir shákirti Erlan Ońalov Bishkek qalasynda dzıýdodan jasóspirimder arasynda ótken Azııa birinshiliginiń qola júldegeri atanǵan bolatyn.