Qazaqstannyń jetistikteri tanystyryldy

Qazaqstan parlamentshileri memleketimizdiń 20 jyl ishindegi qol jetkizgen tabystary týraly EQYU Parlamenttik Assambleıasynyń múshelerine jan-jaqty baıandap berdi, dep habarlady Parlament Májilisiniń baspasóz qyzmeti. Horvatııanyń Dýbrovnık qa­la­synda ótip jatqan EQYU Parlamenttik Assambleıasynyń kezekti kúzgi otyrysy sheń­berinde bolǵan bul sharada Qa­zaqstan tý­raly beınefılm kór­setildi jáne EQYU PA múshelerine eli­mizdiń tabys­ta­ry jaıly fotosýrettermen kór­kem bezendirilgen kitap ta­bys etildi. Osy jıynda sóz alǵan Parlament Májilisiniń Halyqaralyq ister, qorǵanys jáne qaýipsizdik komıtetiniń tóraǵasy Ámzebek Jolshybekov baq qonyp, yntymaǵy jarasqan Qazaq eliniń ishki jáne syrtqy saıasattaǵy tabystary jóninde áńgimeledi. El táýelsizdiginiń 20 jyldyǵy qarsańynda atqarylǵan aýqymdy isterge toqtaldy. Qazaqstandyq delegasııa qu­ramynda Májilis depýtaty Ám­ze­bek Jolshybekovpen birge, Svetlana Bychkova jáne senatorlar Qýanysh Sultanov pen Ádil Ahmetov bar.