Tańǵajaıyp tango

EKSPO-2017 kórmesi aıasynda Argentına Respýblıkasy ulttyq kúnin merekeledi. Saltanatty rásimniń kýágerleri argentınalyq tango men malambo bılerin tamashalady.

Sharanyń resmı bóliginde Aqparat jáne kommýnıkasııalar­ mınıstri Dáýren Abaev sóz sóı­lep, Argentınanyń tamasha ta­bı­ǵatyn, qundylyǵy joǵary mád­e­nıetin tilge tıek etti. «Qazaq­s­­tan argentınalyqtardy qaı­ta­lan­bas ulttyq minezi bar halyq re­tin­de jaqsy biledi. Býenos-Aıres – áserli tangonyń astanasy bolyp sanalady. Al Maradona men Messı sııaqty fýtboldyń maıtalmandaryn Qazaqstannyń jankúıerleri de jaqsy kóredi. Búgin biz osy eldiń mádenıetimen, tarıhymen jaqyn tanysa alamyz», dedi mınıstr. 

Merekege Argentınadan kelgen qos mınıstr – Ǵylym, tehnologııa­lar jáne ınnovasııalar mınıstri Nıno Baranao men Buqaralyq aqparat quraldary jáne qoǵamdyq pikir mınıstri Ernan Lombardı qazaqtyń qonaqjaı halyq ekenin erekshe atap ótip, EKSPO-nyń kásibı turǵyda úlken daıyndyqpen ótip jatqanyn áńgimeledi. «Bizde de san alýan ulttar men ulystardyń ókilderi turady. Olardyń tili de, dini de áralýan. Degenmen, barlyǵy da tatýlyq pen beıbitshilikte ómir súredi. Osylaısha, Argen­tına da Qazaqstan sııaqty mýltı­má­denıetti qoǵamnyń bolǵanyn qalaıdy. Biz úshin tabıǵı resýrstardan buryn osy adamdar resýrstary qymbat bolyp tur. Onsyz eshqandaı memleket da­mý­dyń dańǵyl jolyna túse almaıdy», dedi E.Lombardı. 

Basqosý eldiń ulttyq pavı­l­onyna deıin merekelik sherýmen jalǵasty. Pavılonda adamı resýrstarǵa, shyǵarmashylyq pen oılaý kreatıvtiligine kóp kóńil bó­­lingen. Máselen, onda adam­nyń ener­gııasyn sezip, ony túr­li pi­shinde kórsetetin ekran or­na­tyl­ǵan. Installıasııadaǵy sýret­ter adam­nyń jylýyn sezip, soǵan baı­la­nysty qozǵalady. 

Argentına astanasy Býenos-Aıres qalasy – 2023 jyly óte­tin EKSPO kórmesin ótkizýge úmit­ker­ler­diń biri.

Aıta keterligi, Qazaqstan Res­pýb­lıkasy Aqparat jáne kommý­nıkasııalar mınıstri Dáýren Abaev pen Argentına Respýblıkasynyń Buqaralyq aqparat quraldary jáne qoǵamdyq pikir mını­st­ri Ernan Lombardı aqparat sa­la­syndaǵy yntymaqtastyq týra­ly memorandýmǵa qol qoıǵan bo­­latyn. Memorandým aıasynda ja­ńa­lyqtarmen, derekti fılm­der­men almasyp, sport salasynda aqparattardy da jarııalaý josparlanǵan. Budan bólek, jýrnalıst mamandardy birlesip daıarlaý qarastyrylǵan.