Birinshi orta salmaqtaǵy WBO NABO jáne WBA Inter-Continental tujyrymdary boıynsha álem chempıony Qanat "QAZAQ" Islam (24-0, 19 KO) Dúnıejúzilik boks qaýymdastyǵynyń (WBA) jańartylǵan reıtınginde ekinshi orynǵa kóterildi, dep jazdy Vesti.kz.
Otandasymyz ótken aıdyń qorytyndysy boıynsha úshinshi orynda turǵan bolatyn. Jańartylǵan reıtıngte Qanat Islam bul tujyrymnyń ýaqytsha álem chempıony argentınalyq Karlos Braıan Kastanodan keıingi ekinshi orynǵa jaıǵasty.
Jartylaı orta salmaqta judyryqtasyp júrgen otandasymyz Janqosh Turarov (21-0-0, 15KO) 10-orynnan kórindi. Esterińizge sala ketsek, Qanat Islam óziniń kelesi kezdesýin kanadalyq Brendon Kýkke qarsy ótkizedi. Jekpe-jek 9 qyrkúıek kúni Astana qalasynda ótedi.