Atyraý qalasy men Munaıshy, Juldyz, Kóktem yqshamaýdandarynda, Qurmanǵazy, Aqsaı, Aqjar, Birlik, Vodnıkov, Shırına, Tasqala-2, Besikti poselkelerinde 70 kóshege asfalt tóseldi. Endigi kezekte jalpy uzyndyǵy 200 km bolatyn 311 kóshede qurylys jumystary jalǵasady. Naqtyraq aıtsaq, Atyraý qalasynda - 26, Atyraý selolyq okrýginde - 10, Aqsaı selolyq okrýginde - 6, Balyqshy selolyq okrýginde - 55, Geolog selolyq okrýginde - 30, Damby selolyq okrýginde - 15, Jumysker selolyq okrýginde - 24, Erkinqala selolyq okrýginde - 17, Keńózek selolyq okrýginde - 10, Qaıyrshaqty selolyq okrýginde - 118 kóshege asfalt salynady.
Atalǵan kóshelerdegi jumystar qazir alǵashqy satysynda, oǵan 80 tehnıka men 160 jumysshy tartylǵan. Qurylysqa kún saıyn 54 tonna ınertti materıaldar paıdalanylady.
Jyl basynan beri Atyraý qalasynda 21 200 m avtokólik jolyndaǵy shuńqyrlar jóndeldi.
Naýryz aıynda oblys əkimi Nurlan Noǵaev bıyl jergilikti atqarýshy organdar jol qurylysyna erekshe nazar aýdaratynyn, ózi men orynbasarlary bıýdjet qarajatynyń maqsatty jumsalýyn jəne jumystardyń ýaqytynda oryndalýyn qadaǵalaıtynyn aıtqan edi.