Májilis bıýrosynyń kezekti otyrysy

Keshe Parlament Májilisiniń Tóraǵasy Oral Muhamed­ja­nov­tyń jetekshiligimen palata bıýrosynyń otyrysy ótti. Onda aldaǵy aptada Májilistiń jalpy otyrysyna shy­ǵary­la­tyn máseleler sarapqa salyndy. Palatanyń Qarjy jáne bıýd­jet komıteti «Qazaqstan Res­pýb­lıkasynyń Ulttyq qorynan 2012-2014 jyldarǵa arnalǵan kepildendirilgen transfert tý­ra­ly» jáne «2012-2014 jyldarǵa arnalǵan respýblıkalyq bıýdjet týraly» zań jobalarynyń depý­tat­tardyń talqysyna shyǵary­la­tynyn habarlady. Sonymen qa­tar, elimizdiń keıbir zańnamalyq ak­tilerine bıýdjet prosesinde mem­lekettik jáne bıýdjettik jos­parlaý jónindegi ýákiletti organdar kuzyretiniń arajigin ajy­ratý máseleleri boıynsha tolyqtyrý­lar engizýge qatysty zań joba­syn ekinshi oqylymda jalpy oty­rystyń kún tártibine engizýdi usyndy. Halyqaralyq ister, qorǵanys jáne qaýipsizdik komıtetiniń usy­nýy­men «Qazaqstan Respýb­lı­ka­sy­­nyń Úkimeti men Esirtki qu­ral­darynyń, psıhotroptyq zat­tar men olardyń prekýr­sor­lary­nyń zańsyz aınalymyna qar­sy kúres jónindegi Ortalyq Azııa óńirlik aqparattyq úıles­ti­rý ortalyǵy arasyndaǵy Almaty qalasynda onyń bolý sharttary týraly kelisimdi ratıfıkasııalaý týraly» jáne «Qazaqstan Res­pýb­lıkasy men Azııa Damý banki arasyndaǵy Qaryz týraly kelisimdi (Jaı operasııalar) (OAО́EY 1 kólik dálizi [Jambyl oblysyndaǵy jol ýchaskesi] [«Batys Eýropa – Batys Qytaı» halyqaralyq tranzıt dálizi] In­vestısııalyq baǵdarlama – 4-joba) ratıfıkasııalaý týraly» zań jobalary da jalpy otyrysta talqyǵa salynady. «Egemen-aqparat».