QR Premer-Mınıstriniń orynbasary – Aýyl sharýashylyǵy mınıstri A. Myrzahmetov Agrarlyq qaıta óńdeý kásiporyndarynyń oblystarda ornalasýy kartasynyń ázirlengen jobasy týraly baıandady, onyń aıasynda qaıtaý óńdeý kásiporyndarynyń qazirgi qýattylyqtaryn barynsha júkteý, jańa qaıta óńdeý kásiporyndaryn jańǵyrtý jáne salý boıynsha mindetterin oryndaý kózdelgen.
Agrarlyq qaıta óńdeýdi damytý jalpy ónim ósiminiń belgilengen ortasha jyldyq qarqynyna jetýdi jáne AО́K-degi eńbek ónimdiliginiń 2016 jyldyń deńgeıine 18,6% ósimin jáne ımporttyń 32%-dan 25%-ǵa deıin azaıýyn qamtamasyz etedi. Kartany iske asyrý qaıta óńdeý óniminiń jalpy óndirisin 1,9-dan 3 trln teńgege deıin ulǵaıtýǵa jáne 7 myń jumys ornyn qurýǵa múmkindik beredi.
Otyrysta «Atameken» UKP tóraǵasynyń orynbasary, Qazaqstan qarjygerleri qaýymdastyǵy keńesiniń tóraǵasy Iý. Iаkýpbaeva, «QR tamaq kásiporyndary odaǵy» ZTB vıse-prezıdenti A. Naýryzǵalıeva, Qaraǵandy, Almaty oblystarynyń ákimderi E. Qoshanov, A. Batalov sóz sóıledi.
Atalǵan máseleni qaraýdy qorytyndylaı kele, QR Premer-Mınıstri Baqytjan Saǵyntaev QR Premer-Mınıstriniń orynbasary – aýyl sharýashylyǵy mınıstri A. Myrzahmetovke «Atameken» UKP, qoǵamdyq uıymdardyń jáne tamaq ónerkásibi qaýymdastyqtarynyń usynystaryn eskere otyryp, Agrarlyq qaıta óńdeý kartasynyń jobasyn pysyqtaýdy tapsyrdy.