«Roherdi óz basym jaqsy bilemin. Mańyzdy sátterde qajet jerden tabylyp, komandanyń jeńiske jetýine zor úlesin qosady. «Ordabasynyń» deńgeıin kóteretinine senimim mol», dedi Stanımır Stoılov.
Aıta keteıik, 27 jastaǵy jartylaı qorǵaýshy «Astana» sapynda 2014-2017 jyldar aralyǵynda óner kórsetken. Osy ýaqyt aralyǵynda ol 91 oıynǵa qatysyp, 12 goldyń avtory atandy. Elordalyq ujymmen birge úsh jyl qatarynan el chempıony atandy. Sonymen qatar, «Astananyń» Chempıondar lıgasy men Eýropa lıgasynyń toptyq kezeńine shyǵýyna óz úlesin qosty.
Al osy jyldyń basynda Kıprdiń APOEL klýbyna tórt aıǵa jalǵa berilip, chempıondyq ataqqa qol jetkizdi. Shilde aıynda Qazaqstanǵa oralyp, Shymkenttiń «Ordabasy» komandasymen kelisimshartqa otyrdy.
Aıan ÁBDÝÁLI, «Egemen Qazaqstan»