2011 jylǵy 25 tamyz, Astana, Úkimet Úıi
«Mal sharýashylyǵyn damytýdy qoldaýǵa jergilikti bıýdjetterden sýbsıdııalar tóleý erejesin bekitý týraly» Qazaqstan Respýblıkasy Úkimetiniń 2009 jylǵy 31 jeltoqsandaǵy №2319 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. «Mal sharýashylyǵyn damytýdy qoldaýǵa jergilikti bıýdjetterden sýbsıdııalar tóleý erejesin bekitý týraly» Qazaqstan Respýblıkasy Úkimetiniń 2009 jylǵy 31 jeltoqsandaǵy №2319 qaýlysyna (Qazaqstan Respýblıkasynyń PÚAJ-y, 2010 j., №5, 64-qujat) mynadaı ózgerister men tolyqtyrýlar engizilsin:
Kórsetilgen qaýlymen bekitilgen Mal sharýashylyǵyn damytýdy qoldaýǵa jergilikti bıýdjetterden sýbsıdııalar tóleý erejesinde:
1-tarmaq mynadaı redaksııada jazylsyn:
«1. Osy Mal sharýashylyǵyn damytýdy qoldaýǵa jergilikti bıýdjetterden sýbsıdııalar tóleý erejesi (budan ári – Ereje) Qazaqstan Respýblıkasynyń «Asyl tuqymdy mal sharýashylyǵy týraly» 1998 jylǵy 9 shildedegi jáne «Agroónerkásiptik keshendi jáne aýyldyq aýmaqtardy damytýdy memlekettik retteý týraly» 2005 jylǵy 8 shildedegi zańdarynda, memlekettik, salalyq (sektoraldyq), óńirlik baǵdarlamalarda jáne osy saladaǵy basqa da normatıvtik quqyqtyq aktilerde kózdelgen baǵyttar boıynsha oblys bıýdjetinde 010 «Asyl tuqymdy mal sharýashylyǵyn memlekettik qoldaý» jáne 013 «Mal sharýashylyǵy ónimderiniń ónimdiligin jáne sapasyn arttyrýdy sýbsıdııalaý» baǵdarlamasy boıynsha kózdelgen qarajat esebinen jáne onyń sheginde mal sharýashylyǵyn damytýǵa jáne Qazaqstan Respýblıkasynyń azyq-túlik qaýipsizdigin qamtamasyz etýge baǵyttalǵan qyzmetti júzege asyratyn agroónerkásiptik keshen sýbektilerin sýbsıdııalaý tártibin aıqyndaıdy.»;
2-tarmaqta:
2) tarmaqsha mynadaı redaksııada jazylsyn:
«2) aýyl sharýashylyǵy janýarlaryn qoldan uryqtandyrý jónindegi qyzmetter kórsetýshilerge shyǵyndardy 100%-ǵa deıin óteý;»;
mynadaı mazmundaǵy 7) tarmaqshamen tolyqtyrylsyn:
«7) dúleı apattardan zardap shekken agroónerkásiptik keshen sýbektilerine ekinshi deńgeıdegi bankter, bank qyzmetin júzege asyrýǵa quqyq beretin tıisti lısenzııasy bar kredıttik uıymdar aýyl sharýashylyǵy janýarlaryn satyp alýǵa bergen kredıt boıynsha syıaqy stavkasynyń 80%-yna deıin sýbsıdııalaý. Bul rette sýbsıdııalanýǵa tıis syıaqy stavkasy sýbsıdııalaý baǵdarlamasyna qatysatyn barlyq agroónerkásiptik keshen sýbektileri úshin birdeı bolýǵa tıis.»;
4-tarmaq mynadaı mazmundaǵy 4) tarmaqshamen tolyqtyrylsyn:
«4) kórsetilgen uıymdar men qaryz alýshy (agroónerkásiptik keshen sýbektisi) arasynda jasalǵan kredıtti óteý jáne ol boıynsha paıyzdardy tóleý kestesimen qosa, ekinshi deńgeıdegi bankter, bank qyzmetin júzege asyrý quqyǵyna tıisti lısenzııasy bar kredıttik uıymdar rastaǵan kredıttik sharttyń jáne (nemese) aldyn ala sharttyń kóshirmesin.».
2. Osy qaýly alǵashqy resmı jarııalanǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.