Dúbirli dodada 160-tan astam jasóspirim sportshy ózara kúsh synasty.
«Báseke birneshe kúnge sozylyp, sprınttik, jekeleı, komandalyq, nysana kózdeý, estafeta taǵy basqa túrleri boıynsha saıystar uıymdastyryldy», deıdi jarystyń bas tóreshisi Raıs Haırýtdınov.
Bıatlonnan Qazaqstannyń memlekettik jattyqtyrýshysy Maqsat Sharapovtyń aıtýynsha jyl ótken saıyn elimizde qysqy jáne jazǵy bıatlonnyń bási artyp keledi. Azııa oıyndary men Ýnıversıadada bıatlonshylarymyz jaqsy oıyn órnegin kórsetken. Qazir bul sport túrimen 1500-den astam sportshy turaqty túrde aınalysady.
Jarys qorytyndysynda Aqmola oblysynyń komandasy birinshi oryndy ıelendi. Ekinshi, úshinshi oryndardy Shyǵys Qazaqstan men Soltústik Qazaqstan oblysynyń ókilderi bólisti.
О́mir ESQALI, «Egemen Qazaqstan»